سافٹ ویئر کی اقسام

بنیادی طور سے سافٹ ویئر (Soft ware) کی اقسام کی درجہ بندی اس کے کام سے کی جاتی ہے۔ اس حوالے سے اس کی دو اہم اقسام ہیں۔ پہلی قسم کو سسٹم سافٹ ویئر یعنی نظامی سافٹ ویئر کہتے ہیں۔ دوسرے کو application کیشن سافٹ وئیر یعنی استعمالی سافٹ ویئر کہتے ہیں۔ انتظامی سافٹ ویئر کا کام شمارندے کے بنیادی افعال کو سر انجام دینا ہے۔ مثال کے طور پر جب ہم کمپیوٹر کو چلانا شروع کرتے ہیں تو اس کمپیوٹر کی بے جان حالت سے اس کی کام کے لیے تیاری تک کے سارے مراحل یہی قسم سر انجام دیتی ہے۔ اس کے علاوہ مختلف پرزوں (آلات) سے رابطہ کرنا، ان سے کام لینا بھی اسی کی ذمہ داری ہے۔ اس کی مزید دو اہم اقسام ہیں۔ پہلی قسم operating system یعنی نظامی عامل اور دوسری قسم ڈیوائس ڈرائیور یعنی آلی محرک ہے۔ نظامی عامل کا کام کمپیوٹر کے پرزوں کو ایک مصنوعی مشین بنا کر دکھانا ہے جسے ہر شخص باآسانی سے استعمال کر سکے۔ آلی محرک عام طور سے بیرونی پرزوں کو کمپیوٹر سے جوڑ کر قابل استعمال بناتا ہے۔ جب کہ استعمالی سافٹ ویئر کا کام وہ سارے کام سر انجام دینا ہے جو پہلی قسم کے کاموں کے علاوہ ہیں۔ مثال کے طور پر ویب کا استعمال، گانے سننا، کھیل کھیلنا، برقی میل، دفاتر کے کام، حسابی کام کرنا وغیرہ۔ اس کی کام کی نوعیت کے مطابق بے شمار اقسام ہیں۔ جیسے ویب کی قسم، گانوں کی قسم(ملٹی میڈیا)، رابطے کی قسم، حسابی کام کی قسم وغیرہ۔ غرض ہر کام کی اپنی قسم ہے۔ اس کے علاوہ سافٹ ویئر کی ایک اور قسم پروگرامنگ لینگوئج یعنی زبان برائے تیارئ سافٹ ویئر کہلاتی ہے۔ اس کا کام مندرجہ بالا دونوں اقسام کو تیار کرنا ہے۔