شائستہ عنبر

شائستہ عنبر آل انڈیا مسلم خواتین پرسنل لا بورڈ کی صدر ہیں۔ یہ ادارہ آل انڈیا مسلم پرسنل لا بورڈ سے ہٹ کر بنایا گیا ہے تاکہ بھارت میں مسلمانوں عائلی قانون میں خواتین کے حقوق کو یقینی بنایا جا سکے۔

پیدائش

شائستہ کی ولادت الہ آباد کے محمد مُرسلین کے گھر ہوئیں جو پیشے سے ایک ریلوے گارڈ تھے۔ تاریخ ولادت 14 فروری 1962ء ہے۔ والد شاعری کا ذوق رکھتے تھے اور شیدا ان کا تخلص تھا۔

تعلیم

شائستہ لکھنؤ یونیورسٹی سے فارغ التحصیل ہیں اور دو ڈگریاں اردو اور فارسی ادب میں رکھتی ہیں۔

شادی

شائستہ عنبر کی شادی محمد ادریس عنبرؔ بہرائچی سے ہوئی۔ عنبر بہرائچی ہندستان کا سب سے بڑا ادبی ایورڈ ساہتیہ ایورڈ سے نوازے جا چکے ہیے۔ وہ سیول سروس میں تھے۔۔ اس شادی سے تین بچے ہوئے: ایک لڑکا اور دو لڑکیاں۔

سماجی خدمات

شائستہ نے ایک مسجد کی تعمیر کروائی۔ انھوں نے آل انڈیا مسلم خواتین پرسنل لا بورڈ کی بنیاد رکھی۔ وہ ایک ماڈل نکاح نامہ بھی پیش کر چکی ہیں جو ان کے مطابق عصر حاضر سے ہم آہنگ ہے۔ وہ بہ یک وقت طلاق ثلاثہ کے ذریعے شادی ختم کرنے کی مخالفت کر چکی ہیں اور اسے قرآن کی تعلیمات کے مغائر قرار دے چکی ہیں۔

انعامات و اعزازات

• اگست 2015ء میں شائستہ عنبر کو امرتسر میں بھگت پورن سنگھ سمان سے نوازا گیا ہے۔ یہ اعزاز انھیں پاکستان کے انسانیت دوست سماجی خدمت گزار خادم حسین وارثی کے ساتھ ساتھ دیا گیا ہے۔

مزید دیکھیے

• آل انڈیا مسلم پرسنل لا بورڈ
• آل انڈیا شیعہ پرسنل لا بورڈ
• آل انڈیا مسلم خواتین پرسنل لا بورڈ