شاہ اللہ دتہ

شاہ اللہ دتہ (انگریزی: Shah Allah Ditta) اسلام آباد وفاقی دارالحکومت کے سلسلہ کوہ مارگلہ کی تلہٹی پر واقع ایک صدیوں پرانا گاؤں ہے۔یہ اسلام آباد کی یونین کونسل نمبر93 بھی ہے۔ جو پنڈ سنگڑیال، پنڈ سنگرال۔ سری سرال اور میرا بیری پر مشتمل ہے۔

اشتقاقیات

گاؤں کا نام مغل دور کے ایک درویش شاہ اللہ دتہ کے نام پر ہے۔^[1]^[2] شاہ اللہ دتہ اسلام آباد کا قدیم ترین گاؤں تصور کیا جاتا ہے۔ یہ تقریباً 650 سال قدیم گاؤں ہے جہاں سینکڑوں سال پرانی غاریں قدیم فطری تہذیب اور مذاہب کا پتہ بتلاتی ہیں۔^[3]

آثار قدیمہ

شاہ اللہ دتہ غاریں خان پور کے راستے پر واقع ہیں۔^[1] یہ غاریں شاہ اللہ دتہ کے مزار کے قریب واقع ہیں۔^[2] شاہ اللہ دتہ کی غاروں پر بدھ کی 2،400 سال پرانی جداری نقاشی(murals) ملتی ہے۔^[4]^[5]