شاہ عبد الحق گیلانی

شاہ عبد الحق گیلانی گولڑہ شریف کے سجادہ نشین اور روحانی شخصیت ہیں

خاندان

آپ ییرسید غلام محی الدین گیلانی المعروف بابوجی لجپال کے بیٹے اور پیر سیّد مہرعلی شاہ گیلانی کے پوتے تھے۔

ولادت

آپ 16 اپریل 1926ءبروز جمعہ المبارک بمطابق3 شوال المکرم 1344ھ کو گولڑہ شریف میں پیدا ہوئے۔

تعلیم

ابتدائی تعلیم قاری محمد پشاوری ؒجواس وقت مدرسہ گولڑہ شریف کے خطیب، مدرس ومفتی تھے، سے حاصل کی۔بعداز یں آپ کے والد گرامی بابوجی نے آپ کومزید دینی تعلیم کے لیے جامعہ عباسیہ بہاولپور جو اس وقت برصغیر پاک و ہند کی ایک بڑی دینی درسگاہ تھی وہاں بھیج دیا۔ آپ کی خوش نصیبی کا یہ عالم کہ آپ کو [[غلام محمد گھوٹوی] جیسے جیدِ عالم دین سے دینی تعلیم مکمل کرنے کا موقع میسر آیا۔ تربیت کے حوالے سے مہرعلی شاہ گیلانی والد گرامی حضور باؤ جی کی شب وروزمحنت کا اثرآپ کی ذات میں نمایاں رہا۔

سجادہ نشین

1974 میں والد گرامی بابوجی کے وصال کے بعدآپ نے 29 جولائی 2020 تک 46 برس مسندارشاد پر رہ کرمخلوق خدا کی خدمت کو اپنا شعار بنائے رکھا۔

وفات

آپ 8 ذی الحجہ 1441ھ بمطابق 30 جولائی 2020ء کو94 سال کی عمرمیں وفات پائی۔