فیز ایڈوانسر
اسے انڈسٹری میں انڈکشن موٹروں کے پاور فیکٹر کو بہتر کرنے کے لیے استعمال کیا جاتا ہے۔ انڈکشن موٹر کی سٹیٹر وائینڈنگ چونکہ لیگنگ کرنٹ حاصل کرتی ہے جو وولٹیج سے 90 درجے پر ہوتی ہے اس لیے اس کا پاور فیکٹر کم ہوتا ہے۔ اگر ایکسائیٹنگ ایمپیئر ٹرنز کو کسی دوسرے اے سی ذریعہ سے ایکسائیٹ کیا جائے تب سٹیٹر کی وائینڈنگ پر ایکسائیٹ کرنٹ کا اثر نہیں ہوگا۔ اس طرح موٹر کا پاور فیکٹر بڑھ جائے گا۔ یہ کام فیز ایڈوانسر سے کیا جاتا ہے جو سادہ طور پر ایک اے سی ایکسائیٹر ہوتا ہے جسے موٹر کی مین شافٹ پر لگا کر موٹر کے روٹر سرکٹ کے ساتھ چلا کر پاور فیکٹر بہتر کیا جاتا ہے۔