قباث بن اشیم
حضرت قباثؓ بن اشیم صحابی رسول تھے۔بدر کے علاوہ بعض غزوات میں آنحضرتﷺ کی ہمرکابی کا شرف حاصل کیا۔
| حضرت قباثؓ بن اشیم | |
|---|---|
| معلومات شخصیت | |
درستی - ترمیم  |
نام ونسب
ترمیمقباث نام، باپ کا نام اشیم تھا،نسب نامہ یہ ہے، قباث بن اشیم بن عامر بن ملوح بن نعیمر ابن عوف بن کعب بن عامر بن لیث بن بکر بن عبد مناۃ بن کنانہ کنانی۔
اسلام سے پہلے
ترمیمبدر میں مشرکین کے ساتھ تھے، اس میں ان کی خاص اہمیت تھی۔
اسلام وغزوات
ترمیمغزوۂ بدر کے بعد مشرف باسلام ہوئے [1] اوربعض غزوات میں آنحضرتﷺ کی ہمرکابی کا شرف حاصل کیا۔[2]
شام کی فوج کشی اوردمشق کی سکونت
ترمیمشام کی فوج کشی میں مجاہدانہ شرکت کی، جنگ یرموک میں فوج کا ایک حصہ ان کے ماتحت تھا ،شام کی تسخیر کے بعد دمشق میں مستقل سکونت اختیار کرلی۔ [3]
وفات
ترمیموفات کے بارہ میں ارباب سیر خاموش ہیں، لیکن اتنا پتہ چلتا ہے کہ عبد الملک اموی کے عہد تک زندہ تھے۔
احترام نبوت
ترمیمآنحضرتﷺ کا اتنا احترام کرتے تھے کہ رسول اللہ ﷺ کے مقابلہ میں اپنے من کی زیادتی کو بھی بڑائی سے تعبیر نہ کرتے تھے،ایک مرتبہ عبد الملک نے ان سے پوچھا تم بڑے تھے یا رسول اللہ ﷺ قباث نے کہا آنحضرتﷺ مجھ سے بڑے تھے البتہ میں ان سے سن میں زیادہ تھا۔ [4]