لوئی ویل، کینٹکی فائرنگ واقعہ 2023ء

10 اپریل 2023ءکو لوئی ول، کینٹکی میں اولڈ نیشنل بینک میں فائرنگ کا واقعہ پیش آیا، جس میں چار افراد ہلاک اور آٹھ زخمی ہوئے۔ فائرنگ کرنے والے کی ہلاکت کی بھی تصدیق کر دی گئی۔ حکام کا کہنا ہے کہ آٹھ افراد کو مقامی ہسپتالوں میں لے جایا گیا ہے، جن میں دو پولیس افسران بھی شامل ہیں۔ فائرنگ کرنے والے سمیت پانچ افراد کی ہلاکت کی تصدیق کی گئی ہے۔

واقعہ

فائرنگ کا واقعہ لوئی ول سلگر فیلڈ اور واٹر فرنٹ پارک کے قریب ایسٹ مین اسٹریٹ پر اولڈ نیشنل بینک کی ایک عمارت میں ہوا۔ شوٹر نے AR-15 طرز کی رائفل کا استعمال کیا۔ یہ واقعہ صبح ساڑھے آٹھ بجے کے قریب آیا۔ ایک خاتون جو اس واقعہ کی گواہ ہے نے بتایا کہ اس نے ایک شخص کو ہوٹل کے داخلی دروازے کے قریب لیٹتے ہوئے دیکھا۔ 10:15 کے قریب  میٹرو پولیس ڈیپارٹمنٹ نے کہا کہ فائرنگ کرنے والے کو ہلاک کر دیا گیا ہے۔

متاثرین

اس واقعے میں فائرنگ کرنے والے سمیت چار افراد ہلاک ہوئے ہیں۔ آٹھ زخمیوں کو صبح ساڑھے دس بجے کے قریب مقامی ہسپتال منتقل کیا گیا۔

مجرم

مجرم کی شناخت لوئی ول کے 25 سالہ کونر اسٹرجن (1997 یا 1998 - اپریل 10، 2023) کے طور پر ہوئی۔ اسٹرجن 2020ء سے اولڈ نیشنل بینک میں سابق ملازم تھا اس نے صبح اکیلے فائرنگ کی اور پولیس کے ساتھ فائرنگ کے تبادلے کے بعد اس کی موت ہو گئی۔ پولیس نے کہا کہ اس کا اسی بینک سے تعلق تھا، اور خیال کیا جاتا ہے کہ وہ ذہنی صحت کے مسائل سے دوچار تھا۔

تحقیقات

فیڈرل بیورو آف انویسٹی گیشن اور بیورو آف الکوحل، ٹوبیکو، آتشیں اسلحہ اور دھماکا خیز مواد اس واقعے میں مدد کر رہے ہیں۔ پولیس کی بھاری نفری جائے وقوعہ پر موجود ہے۔ پولیس نے فوری طور پر مجرم کی شناخت جاری نہیں کی۔ ابتدائی ذرائع کے مطابق، شوٹنگ کا تعلق بینک ڈکیتی سے نہیں لگتا۔

رد عمل

کینٹکی کے گورنر اینڈی بیشیر، جو متعدد متاثرین کے دوست تھے، نے ٹویٹ کیا کہ اور اس واقعہ پر سخت رد عمل کا اظہار کیا اور تمام متاثرین اور لوئی ول شہر کے لیے دعائیں مانگی ہیں۔