نیلم گل

نیلم کور گل (پیدائش 27 اپریل 1995ء) ایک ہندوستانی نژاد انگلش فیشن ماڈل ہیں۔ وہ بربیری، ایبرکرامبی اینڈ فچ جیسی بین الاقوامی کمپنیوں کے ساتھ کام کر چکی ہیں اور ووگ میں بھی جلوہ گر ہو چکی ہیں۔

نیلم گل
Gill during London Fashion Week in 2015
معلومات شخصیت
پیدائش	(1995-04-27) 27 اپریل 1995 کوینٹری، مملکت متحدہ
شہریت	مملکت متحدہ
آنکھوں کا رنگ	بھورا
عملی زندگی
پیشہ	Fashion model
دور فعالیت	2011–حال

ابتدائی زندگی

نیلم گل 27 اپریل 1995ء کو، کوونٹری، ویسٹ مڈلینڈز، انگلینڈ (برطانیہ)میں ہندوستانی نژاد والدین کے ہاں پیدا ہوئیں اور 2014 ءتک لندن میں ہی مقیم تھیں۔ اس کے دادا دادی بھارت میں پیدا ہوئے تھے اور وہ بھارتی ریاست پنجاب سے تعلق رکھتے ہیں اور سکھ خاندان سے ہیں۔ نیلم نے اپنے یوٹیوب چینل کے ذریعے معاشرے میں خواتین کے خلاف غنڈہ گردی، ڈپریشن اور لڑکیوں کو جسمانی صلاحیتوں پر اعتماد کے فقدان جیسے مسائل کے بارے میں بات کی ہے اور یہ بھی کہا ہے کہ وہ آن لائن ٹرولز کے لیے "افسوس محسوس کرتی ہیں"۔ وہ کامیابی سے یہ کام سر انجام دے رہی ہیں۔

پیشہ وارانہ زندگی

نیلم 14 سال کی تھی، جب وہ ہر ہفتے برمنگھم بلرنگ میں چست جینس، پھٹی جینز اور اونچی ایڑی والے جوتے پہنے گھومتی تھی، اسی دوران میں ایک ماڈلنگ ایجنسی کے ایجنٹ نے اسے دیکھا اور اس سے رابطہ کیا تھا۔نیلم گل کا کہنا ہے کہ اسے کبھی یہ نہیں سکھایا گیا کہ کس طرح پوز کرنا ہے، کھڑے رہنا ہے یا پھر خود کو کس زاویے سے سامنے لانا کرنا ہے۔ یہ سب ان کی فطری صلاحیتیں ہیں جن کی بدولت اس نے اتنی جلد اور بہترین انداز میں اپنے آپ کو اس فن میں منوا لیا۔

چودہ سال کی عمر میں ہی اس نے نیکسٹ ماڈل مینجمنٹ کے ساتھ معاہدہ کیا۔ وہ ووگ انڈیا میں بھی جلوہ گر ہوئی ہیں۔ ستمبر 2013ء میں، نیلم گل نے لندن فیشن ویک کے دوران میں بربیری کے فیشن شو میں کیٹ واک سے اپنی فنی زندگی کا آغاز کیا۔ 2014 میں، نیلم بربیری فیشن مہم میں نمایاں ہونے والی پہلی ہندوستانی ماڈل بن گئیں۔ نومبر 2015 میں، وہ (Abercrombie & Fitch) کا بہترین حسین چہرہ بن گئیں۔ نیلم گل نے کینے ویسٹ کے فیشن ویک شو اور ڈیوئر کے لیے بھی واک کی ہے۔