ویکیپیڈیا:منتخب فہرست/2024/ہفتہ 44
خواتین کا ٹیسٹ میچ ایک بین الاقوامی چار اننگز والا کرکٹ میچ ہے جو کرکٹ کی دو سرکردہ ممالک کے درمیان میں زیادہ سے زیادہ چار دنوں تک ہوتا ہے۔ خواتین کی کرکٹ 20ویں صدی کے آغاز کے دوران میں جنوبی افریقا میں کافی باقاعدگی سے کھیلی جاتی تھی، لیکن دوسری جنگ عظیم کے دوران میں ختم ہو گئی۔ اسے 1949ء میں شائقین کے ایک گروپ نے زندہ کیا اور 1951ء میں نیتا رائنبرگ نے خواتین کرکٹ ایسوسی ایشن کی جانب سے تجویز پیش کی کہ ایک جنوبی افریقا خواتین کرکٹ ایسوسی ایشن قائم کی جائے اور اس امکان کی حوصلہ افزائی کی کہ میچوں کی سیریز ہو سکتی ہے۔ جنوبی افریقا اور رہوڈیشین خواتین کرکٹ ایسوسی ایشن باضابطہ طور پر 1952ء میں قائم کی گئی تھی۔ جنوری 1955ء میں اپنی سالانہ جنرل میٹنگ میں، جنوبی افریقا اور رہوڈیشین خواتین کرکٹ ایسوسی ایشن نے خواتین کی کرکٹ ایسوسی ایشن کی جانب سے ایک بین الاقوامی خواتین کرکٹ کونسل میں شمولیت کی دعوت قبول کی جس میں جنوبی افریقا کے علاوہ انگلینڈ، آسٹریلیا اور نیوزی لینڈ کی ٹیمیں شامل تھیں۔ انھوں نے اس بات پر بھی اتفاق کیا کہ چاروں ممالک کے درمیان میں بین الاقوامی میچ کھیلے جائیں گے۔ 1959ء میں، جنوبی افریقا کے پہلے بین الاقوامی خواتین کرکٹ کے دورے کے انتظامات کیے گئے، کیوں کہ انھوں نے 1960ء میں انگلش ٹیم کی میزبانی کرنی تھی۔
