کورنیس
کورنیس کا ذکر لوقا کی انجیل میں یسوع کی پیدائش کے سلسلہ میں ملتا ہے۔[1] ایک رومی نوشتہ سے ظاہر ہوتا ہے کہ کورنیس دوبار سوریہ پر حاکم مقرر ہوا۔ اُس کے دوسرا مرتبہ مقرر ہونے اور 6 عیسوی کی اسم نویسی کا انتظام کرنے کا ذکر کتاب اعمال میں پایا جاتا ہے[2] اور یہودی مورخ فلا ویس یو سیفس اپنی کتاب یہودیوں کی زمانہِ سلف کی تواریخ میں بھی اس کا ذکر کرتا ہے۔ یسوع مسیح اس سے بارہ سال پہلے کی اسم نویسی میں پیدا ہوئے تھے۔ مسیحی علما کا خیال ہے کہ لوقا 2:2 کا مطلب یہ ہے کہ کورنیس کے عہد میں یہ پہلی اسم نویسی تھی اور دوسری وہ جس کا ذکر اعمال باب 5 آیت 37 میں ہے۔[3]
