100 گیندوں کی کرکٹ

100 گیندوں کی کرکٹ کرکٹ کی ایک مختصر شکل ہے جو نئے سامعین کو آسان قوانین کے ساتھ کھیل کی طرف راغب کرنے کے لیے بنائی گئی ہے اور جسے اصل میں انگلستان اور ویلز کرکٹ بورڈ (ECB) نے اپنے نئے شہر پر مبنی مقابلے دی ہنڈریڈ کے لیے متعارف کرایا۔

100 گیندوں کے میچ میں دو ٹیمیں ہوتی ہیں جن میں سے ہر ایک کی ایک اننگز ہوتی ہے جو زیادہ سے زیادہ 100 گیندوں تک محدود ہوتی ہے اور یہ میچ تقریباً ڈھائی گھنٹے تک جاری رہتا ہے جو موجودہ ٹی ٹوئنٹی فارمیٹ سے کچھ کم ہے۔

جولائی 2021ء میں پیشہ ورانہ دی ہنڈریڈ مقابلے کے آغاز سے پہلے 100 گیندوں کے فارمیٹ کو انگلینڈ بھر میں کئی شوقیہ مقامی لیگوں میں ٹرائل کیا گیا۔

فارمیٹ

100 گیندوں کی کرکٹ محدود اوور کرکٹ کی ایک شکل ہے جو دو ٹیموں کے درمیان کھیلی جاتی ہے جس میں ہر ایک اننگز 100 گیندوں پر مشتمل ہوتی ہے۔

میچ کا فارمیٹ یہ ہوتا ہے:

• ہر اننگز میں 100 گیندیں۔
• 10 گیندوں کے بعد گیند بازی کی سائیڈ کی تبدیلی ہوتی ہے۔
• گیند باز لگاتار پانچ یا 10 گیندیں کرواتے ہیں۔
• ہر گیند باز زیادہ سے زیادہ 20 گیندیں فی کھیل کروا سکتا ہے۔
• ہر باؤلنگ سائیڈ کو ڈھائی منٹ تک کا اسٹریٹجک ٹائم آؤٹ ملتا ہے۔
• ہر ٹیم کے لیے 25 گیندوں کا پاور پلے شروع ہوتا ہے۔
• پاور پلے کے دوران دو فیلڈرز کو ابتدائی 30 گز کے دائرے سے باہر جانے کی اجازت ہے۔
• ٹیمیں ٹائم آؤٹ کال کر سکیں گی جیسا کہ 2009 سے انڈین پریمیئر لیگ میں ہوتا رہا ہے۔
• نان اسٹرائیکر کو کیچ آؤٹ ہونے کے بعد اپنی اصل سائیڈ پر واپس آنا ہوتا ہے۔
• ایک آسان سکور بورڈ استعمال کیا جاتا ہے۔
• میچ برابر ہونے کی صورت میں 5 گیندوں کی اننگز کھیلی جاتی ہے۔ اگر ٹائی برقرار رہتی ہے تو اس کے بعد 5 گیندوں کی اننگز دوبارا کھیلی جا سکتی ہے۔

مزید دیکھیے

• دی ہنڈریڈ

بیرونی روابط

• وتھوشن ایہنتھاراجہ: دی ہنڈریڈ میں مالٹی رنگ کی گیند؟ کرک بز، 20 ستمبر 2018ء
• جارج ڈوبل: ٹام ہیریسن نے تسلیم کیا کہ بھارتی کھلاڑیوں کے دی ہنڈریڈ میں شامل ہونے کا امکان نہیں ہے۔ ای ایس پی این کرک انفو، 21 فروری 2019ء