آزادی کا طویل سفر
آزادی کا طویل سفر [1] جنوبی افریقا کے سابق اور پہلے جمہوری منتخب صدر نیلسن منڈیلا کی خود نوشت ہے جو سنہ 1995 میں شائع ہوئی۔ اس کتاب میں نیلسن منڈیلا نے اپنے بچپن، جوانی، تعلیم، وکالت، نسلی تفریق پر مبنی اپارتھائیڈ نظام کے خلاف جدوجہد، اپنے اوپر ہونے والے مقدمات، طویل قید اور پھر رہائی پر تفصیل سے لکھا ہے۔
 | |
| مصنف | نیلسن منڈیلا |
|---|---|
| مصور سرورق | الن تنینباوم |
| ملک | امریکا |
| زبان | انگریزی |
| موضوع | سوانح حیات |
| صنف | سوانح حیات |
| ناشر | میکڈونالڈو پُرنَل |
تاریخ اشاعت | 1994ء |
| طرز طباعت | پرنٹ |
| صفحات | 630 صفحات |
| او سی ایل سی | 39296287 |
موضوعات اور اقتباس ترمیم
کتاب کے اہم ترین موضوعات میں افریقی نیشنل کانگریس اور اِس کی اپارتھائیڈ نظام کے خلاف جدوجہد شامل ہیں۔ اپارتھائیڈ نظام کے بارے میں نیلسن منڈیلا کتاب میں لکھتے ہیں (اردو ترجمہ)
| ” |
اپارتھائیڈ ایک قدیم سوچ کا نیا نام تھا۔ اس کے معنی ہیں “الگ الگ ہونا“۔ اور یہ ایسے تمام قوانین اور ضابطوں کو ایک جابرانہ نظام میں جمع کر دینے کا عمل تھا جن کی مدد سے کئی صدیوں تک افریقیوں کو سفید فاموں سے کمتر رکھا گیا تھا۔ (ص- 127) |
“ |
جنوبی افریقہ میں اپنی بنیادی تعلیم کے بارے میں لکھتے ہیں (اردو ترجمہ)
| ” | مجھے جو تعلیم دی گئی وہ مکمل طور پر برطانوی تعلیم تھی، جس میں برطانوی افکار، برطانوی ثقافت اور برطانوی اداروں کو برتر سمجھا جاتا تھا اور جس میں افریقی ثقافت نامی کوئی چیز نہیں تھی۔ (ص-16) | “ |
تجزیئے ترمیم
یہ کتاب 1995 میں جنوبی افریقہ کا ادبی اعزاز ایلن پیٹَن ایوارڈ جیت چکی ہے۔
فلمی تشکیل ترمیم
سنہ 2013ء میں کتاب پر مبنی انگریزی فلم مینڈیلا: آزادی کا طویل سفر ریلیز ہوئی۔ فلم میں برطانوی اداکار ادریس ایلبا نے نیلسن منڈیلا کا کردار ادا کیا۔