اعلم شنتمری

ابو حجاج یوسف بن سلیمان بن عیسیٰ شنتمری اندلسی المعروف اعلم ( 410ھ - 476ھ = 1019 - 1084 ء) وہ ادب اور زبان کے عالم تھے، شنتمریہ الغرب میں پیدا ہوئے اور قرطبہ منتقل ہوئے۔ بینائی سے محروم ہو کر اشبیلیہ میں وفات پائی۔ اوپری ہونٹ کٹے ہونے کی وجہ سے "الأعلم" کہلائے۔

يوسف بن سليمان بن عيسى الشنتمري
معلومات شخصیت
تاریخ پیدائش	سنہ 1019ء
تاریخ وفات	سنہ 1084ء (64–65 سال)
لقب	الأعلم
عملی زندگی
پیشہ	شاعر

حالات زندگی

الأعلم شنتمريہ الغرب میں پیدا ہوئے، جو اندلس کے جنوب میں پرتگال کے علاقے میں واقع ہے۔ 23 سال کی عمر میں قرطبہ گئے اور مسلم بن احمد، ابن الافلیلی اور ابو سهل يونس الحرانی جیسے علما سے تعلیم حاصل کی۔ بعد ازاں شِلْب میں تدریس کی، جہاں وزیر محمد بن عمار ان کے شاگرد تھے۔ 440 ہجری سے پہلے اشبیلیہ منتقل ہوئے، جہاں المعتضد باللہ کے دربار سے وابستہ رہے اور اس کے بیٹے المعتمد کو تعلیم دی۔ الأعلم نے اشبیلیہ میں اپنی زیادہ تر کتب تصنیف کیں، وہیں بینائی کھوئی اور وفات پائی۔ وہ اپنے زمانے کے بڑے نحوی اور زبان، اشعار اور ان کے معانی کے ماہر تھے۔ انہوں نے سیبویہ، المبرد، اور دیگر کے کتب اور کئی مشہور شعرا کے دیوان روایت کیے۔ ان کے علم کی جستجو میں طلبہ دور دور سے آتے تھے۔ ان کے نمایاں شاگردوں میں ابو علی الغسانی، ابن القصیرہ، ابن مسلمة، ابن الاخضر، اور ابن عبدون شامل ہیں۔

وفات

الشنتمری کا انتقال 476 ہجری (1084 عیسوی) میں ہوا۔ ابن شریح نے کہا: "میرے والد کا انتقال شوال 476 میں ہوا، میں نے یہ خبر ابو الحجاج الأعلم کو دی، جو ان کے قریبی دوست تھے۔ وہ شدتِ غم سے رو پڑے اور کہا: 'میں ان کے بغیر ایک ماہ سے زیادہ نہیں جیوں گا۔' اور ایسا ہی ہوا۔"

تصانیف

شرح الشعراء الستة، تحصيل عين الذهب، كتاب الحماسة، شرح أبيات الجمل۔