اڑان

اڑان یا پرواز (انگریزی: Bird flight) عمومًا پروندوں کی ان حرکات کو کہا جاتا ہے، جن کی مدد سے وہ آسمانوں میں، پیڑھوں پر، کھلی ہوا اور اسی طرح سے ایک مقام سے دوسرے مقام منتقل ہوتے ہیں۔

فضا میں اڑتا ایک پرندہ

کوئی چیز فضا میں ٹھہر نہیں سکتی، وہ ہوا کی لطافت اورزمین کی کشش ثقل کی وجہ سے زمین پر آگرتی ہے۔ مگر پرندوں کے پروں اور ان کی دم کی ساخت میں کچھ ایسا توازن قائم ہے کہ نہ زمین کی کشش ثقل انھیں اپنی طرف کھینچتی ہے اور نہ ہوا کی لطافت انھیں نیچے گراتی ہے اور فضا میں بے تکلف تیرتے پھرتے ہیں۔ پھر یہ فن انھیں سیکھنے کی بھی ضرورت نہیں۔ یہ سب باتیں ان کی فطرت میں رکھ دی گئی ہیں۔ پرندے جب اڑنے لگتے ہیں تو اپنے پروں کو پھڑپھڑاتے اور پھیلاتے ہیں۔پھر جب فضا میں پہنچ جاتے ہیں تو ضروری نہیں کہ وہ ہر وقت پروں کو پھیلائے رکھیں۔ وہ انھیں بند بھی کر لیتے ہیں لیکن پھر بھی گرتے نہیں۔ انسان نے پرندوں کی اڑان اور ان کی ساخت میں غور و فکر کرکے ہوائی جہاز تو ایجاد کر لیا۔ اسی وجہ سے ہوائی ہوائی جہاز، ہیلی کاپٹر اور اسی طرح سے دوسرے آلات جیسے کہ ڈرون کی فضا میں حرکت کو بھی عمومًا اڑان یا پرواز کہا جاتا ہے۔

مزید دیکھیے

• ہوائی جہاز