ہوائی جہاز
جہاز کے دیگر استعمالات کے لیے دیکھیے: جہاز
ہوائی جہاز (aircraft)، ایک ایسا گاڑی (vehicle) یا جہاز (craft) ہوتا ہے کہ جو کرۂ ہوا میں پرواز کر سکتا ہو۔ اکثر صاروخی ناقلات (rocket vehicles)، ہوائی جہاز کے زمرے میں شمار نہیں کیے جاتے کیونکہ یہ ہوا کے سہارے پر انحصار نہیں کرتے۔ وہ تمام انسانی نقل و حرکت کہ جو ہوائی جہاز کو قابل پرواز رکھنے میں اختیار کی جاتی ہے اسے طیرانی (aviation) کہا جاتا ہے اور وہ شخصیت جو ہوائی جہاز کو محوپرواز کرتا / کرتی ہے یعنی اس کو اڑاتا / اڑاتی ہے اسے ہوا باز (aviator / pilot) کہا جاتا ہے؛ جبکہ ایسے ہوائی جہاز یا ہوائی ناقلات (aerial vehicle) بھی تخلیق کیے گئے ہیں جو طیار کے بغیر پرواز کرسکتے ہیں ان کے لیے بلا انسان ہوائی ناقل|بلا انسان ہوائی ناقل کی اصطلاح استعمال کی جاتی ہے۔
اقسام
ترمیمہوائی جہازوں کی دو بڑی اقسام ہیں: ہوا سے ہلکے (ہوا سُکن) اور ہوا سے بھاری (ہوا محرک).
ہوا سے ہلکے - ہواسُکن
ترمیمہوا سُکن ایسے جہاز ہیں جو ہوا میں تیرنے کے لیے مرکزِ اچھال استعمال کرتے ہیں جس طرح بحری جہاز پانی میں تیرنے کے لیے کرتے ہیں۔ ان جہازوں میں عام طور پر بڑے تیلے نصب ہوتے ہیں جو ہیلئیم، ہائیڈروجن یا گرم ہوا سے بھرے ہوتے ہیں۔ جس کی وجہ سے جہاز کی کثافت کم ہوجاتی ہے اور وہ فضا میں تیرنے لگتا ہے۔
ہوا سے بھاری - ہوا محرک
ترمیم
ہوا محرک جہازوں میں ایسے مشین نصب ہوتے ہیں جو گیس یا ہوا کو نیچے کی طرف زور سے دھکیلتے ہیں جس کی وجہ سے ردّ عمل ہوتا ہے اور جہاز اُوپر کی طرف حرکت کرتا ہے۔ اُوپر کی طرف حرکت پیدا کرنے کے دو طریقے ہیں: ہوائی اُٹھاؤ اور قوتی اٹھاؤ.
ہوائی اُٹھاؤ میں جہاز اپنے پروں کے ذریعے ہواء کو نیچے کی طرف دھکیلتا ہے اور خود اُوپر کی طرف حرکت کرتا ہے۔ جبکہ قوتی اُٹھاؤ میں جہاز اپنے انجن کے ذریعے ہوا کو بزور نیچے کی طرف دھکیلتا ہے۔
معین پردار ہوائی جہاز
ترمیممعین پردار ہوائی جہازوں کے پَر ایک ہی جگہ پر مستقل ہوتے ہیں یعنی وہ حرکت نہیں کرتے۔ جیسا کہ مسافر بردار فضائی طیارے اور جنگی طیارے وغیرہ۔
دَوار جہاز
ترمیم
ایسے جہاز جن کے بازو حرکت کے قابل ہوتے ہیں۔ ایسے جہاز اپنی متحرکت پروں کے ذریعہ اُڑان کرتے ہیں۔ مثلاً ہیلی کاپٹر