ایمی اومو ایسو
ایمی اومو ایسو (انگریزی: Emi Omo Eso) مغربی افریقا کے یوروباؤں کے ایک جنگجو طبقے، "ایسو ایکوئی" کے اخلاقی رمز کا نام ہے۔[1][2] اس کا سلیس اردو ترجمہ ہے: "میں ایک ایسو کا بچہ ہوں۔"
تاریخ
ترمیمتقریباً 17ویں صدی میں قدیم اویو کی شاہی فوج کی سوار دستے کے قیام کے بعد، اس سے ابھرنے والی "ایسو" سرداروں کی سلسلہ وار حکمرانیاں، جو میٹروپولیٹن شہر ایکوی میں تھیں، وقت گزرنے کے ساتھ مشہور ہو گئیں۔ یہ سردار اپنی خاص طرزِ عمل کی وجہ سے پہچانے جانے لگے، اور ان کا یہ طرزِ عمل خود اس معزز خطاب کے حامل افراد کے مترادف بن گیا۔
یہ ضابطۂ اخلاق، جو بالآخر "ایسو" سرداروں اور ان کی بے شمار نسلی اولادوں کے لیے موزوں رویے کی نشان دہی کرنے لگا، متعدد ضرب الامثال میں سمویا گیا۔ یہ ضرب الامثال نسل در نسل ایسو خاندانوں میں منتقل ہوتی رہیں اور روایتی طور پر انھیں یادداشت کے آلے کے طور پر استعمال کیا گیا۔[3]
ضرب الامثال
ترمیمایمی اومو ایسو کے فلسفیانہ ضابطہ کی متعدد ضرب الامثال درج ذیل ہیں:
| ” | Ohun meji l'o ye Eso Eso ja O le ogun Eso ja O ku si ogun. |
“ |
ایسو کے لیے دو میں سے ایک کام ضروری ہے: ایسو کو لڑنا اور فتح پانا چاہیے یا پھر لڑ کر مر جانا چاہیے۔
| ” | Eso ki igba Ofa lehin Afi bi o ba gbogbe niwaju gangan. |
“ |
ایسو کو کبھی پیٹھ پر زخم نہیں لگنا چاہیے، اس کے زخم ہمیشہ سامنے ہونے چاہیے۔
| ” | Alakoro ki isa ogun. | “ |
تاج پہننے والا کبھی جنگ سے فرار اختیار نہیں کرتا۔
تصدیق
ترمیمایمی اومو ایسو کا اثر آنے والی نسلوں پر بھی پڑا۔ 19ویں صدی میں جب گھڑ سوار فوج تحلیل ہو گئی، تو ان کے بچوں اور پوتوں نے اس ضابطہ کا نام اسی طرح استعمال کیا جیسے لاطینی زبان کا قول 'Infra dignitatem' استعمال ہوتا ہے۔
ایسو کی کلاسیکی تعریف میں اسے قول و فعل دونوں میں شرافت کی علامت سمجھا جاتا تھا، لہذا یہ کہنا کہ آپ ایک ایسو کی اولاد ہیں، اس ثقافت میں اس بات کی نشاندہی کرتا تھا کہ آپ اس کی میراث کو زندہ رکھ رہے ہیں۔ یہ جملہ نچلے یا حقیر کاموں کے لیے آپ کی نفرت یا مشکلات، خطرات یا موت سے بے خوفی کی علامت بن جاتا تھا۔ جب کوئی کہتا تھا کہ "میں ایک ایسو کا بچہ ہوں"، تو وہ اس حقیقت کا اعلان کر رہا ہوتا کہ اسے کوئی خوف نہیں، یا کہ کوئی مخصوص چیز اس کی شرافت سے کم تر ہے۔[4]
حوالہ جات
ترمیم- ↑ Timothy Knapman (2024-07-09)۔ Time Travel Sleepover: Knights & Castles (بزبان انگریزی)۔ Happy Yak۔ صفحہ: 42۔ ISBN 978-0-7112-8727-3
- ↑ Toyin Falola (2001)۔ Yoruba Warlords of the Nineteenth Century (بزبان انگریزی)۔ Africa World Press۔ صفحہ: 15۔ ISBN 978-0-86543-783-8
- ↑ Samuel Johnson (1966)۔ The History of the Yorubas: From the Earliest Times to the Beginning of the British Protectorate (بزبان انگریزی)۔ Cambridge University Press۔ صفحہ: 73–75۔ ISBN 978-1-108-02099-2
- ↑ Johnson (1921), pp. 73-75.