درد

درد یا تکلیف (انگریزی: Suffering) وسیع معنوں میں ایک تجربہ ہوتا ہے جس میں بے لطفی اور متصادم جذبے شامل ہوتے ہیں جو کسی نقصان یا نقصان کے امکان سے متعلق ہو، جو کسی شخص سے متعلق ہو۔ درد ایک بنیادی عنصر ہے جو کسی ہم دردی اور دل جمعی کے مظاہرے کی عین ضد ہو۔ اس کا بالکل اُلٹ لطف یا خوشی ہے۔

درد اکثر جسمانی یا دماغی طور پر زمرہ بند ہوتا ہے۔ یہ مختلف شدتوں کا حامل ہو سکتا ہے، جو معمولی سے لے شدید بھی ہو سکتا ہے۔ یہ بھی قابل بر داشت حد تک بھی ہو سکتا ہے۔ دورانیوں اور تکراروں کے عوامل شدت طے کرتی ہیں۔ درد سے متعلق رویے بھی کافی وسیع ہوتے ہیں، جس میں ایک شخس خود گرفتار ہو سکتا ہے یا پھر دوسرے لوگ خوہی نہ خواہی اس کے متعلقین بنتے ہیں۔ درد کے ساتھ یہ بھی غور طلب ہے کہ کیا اس سے بچا جا سکتا تھا یا پھر یہ لازمًا چھا جانے والا ہے، مفید ہے یا بے کار ہے، مستخق ہے یا غیر مستحق ہے۔

انسانی جسم میں درد کا احساس دلانے والے خلیات

سویڈن کے سائنسدانوں کی تحقیقاتی ٹیم نے انسانی جلد کے نیچے ایک نیا حصہ دریافت کرنے کا دعویٰ کیا ہے۔ یہ جلد کے نیچے خلیات کا ایسا نیٹ ورک ہے جو درد کا احساس دلاتا ہے۔ 2017ء تک مانا جاتا تھا کہ انسانی جسم میں 78 اعضا ہیں مگر پھر آنتوں کو معدے کے بیرونی حصے سے جوڑنے والی جھلی کا اضافہ ہوا جس کے بعد یہ تعداد 79 ہو گئی اور یہ خلیات سامنے آئے ہیں۔

درد کے ماحولیاتی عوامل

انسانی طرزِحیات میں آنے والی تبدیلیوں بالخصوص بڑے شہروں میں پُرتعیش زندگی گزارنے کے نتیجے میں مَرد و خواتین میں ہڈیوں، جوڑوں اور پٹّھوں کے درد سے اس سے جڑے امراض میں تیزی سے اضافہ ہورہا ہے۔ بد قسمتی سے جدید معاشرے میں یہ خیال تقویت پارہا ہے کہ40 سال کی عُمر کے بعد ہڈیوں اور جوڑوں کے امراض، بشمول کمر درد عُمر کا تقاضا ہے اور ان تکالیف سے نجات کے لیے کسی قسم کے علاج کی ضرورت نہیں، کیوں کہ علاج کے باوجود افاقہ ممکن ہی نہیں۔ یہ صورت حال کچھ دہوں سے بالکل مختلف ہے جب 60 سال کے بوڑھے لوگ نہ صرف آرام سے چلتے پھرتے تھے، بلکہ وہ دوڑتے، بھاگتے اور کودتے نظر آ رہے تھے۔ یہی وجہ ہے کہ لوگوں کی بڑی تعداد ہڈیوں اور پٹّھوں کی تکلیف عُمر کا تقاضا سمجھ کر برداشت کررہی ہے، جب کہ تصویر کا دوسرا پہلو یہ بھی ہے کہ اسی معاشرے میں ایک قلیل التعداد آبادی ان یہ ہے کہ70 سال کی عُمر کے افراد کی بھی ہے جو کسی درد سے بالکل دور ہیں۔ ماہرین کے مطابق اگر لوگ صحت مند ہوں، تو ان تکالیف کو ہرگز برداشت نہیں کرنا پڑتا ہے۔ مگر اس کے لیے طرز زندگی میں فرق کی شدید ضرورت ہے۔

مزید دیکھیے

• جذبہ