رواں دفع تعلقات

رواں دفع تعلقات (انگریزی: On-again, off-again relationship) ایک قسم کا شخصی تعلق ہے جو دو لوگوں کے بیچ لگا رہتا ہے۔ یہ زیادہ تر رومانی تعلق کو بیان کرنے کے لیے استعمال کیا جاتا ہے۔ اس میں فریقین اکثر ترک تعلق کر لیتے ہیں مگر بعد میں خود ہی صلح صفائی کرتے، اس طرح یہ سلسلہ جاری رہتا ہے۔ محققہ کیٹ مانک، جو یونیورسٹی آف میسوری میں انسانی ترقی اور خاندانی علوم کی پروفیسر ہیں، کئی وجوہ بیان کرتی ہیں جن کی وجہ سے انسانی تعلقات "رواں دفع" نوعیت اختیار کر سکتا ہے۔ اس میں ایک ساجھے دار کا نئی جگہ منتقل ہونا یا فریقین کا اپنے رشتوں پر نظر ثانی کرنا ہے۔ رواں دفع تعلقات کسی شخص کی دماغی صحت کو برباد کر سکتا ہے جس کی وجہ سے شدید ذہنی دباؤ، غذا میں بد نظمی اور اضطراب ذہنی کی کیفیتیں رو نما ہو سکتی ہیں۔ اس کے علاوہ مانک یہ بھی نوٹ کرتی ہیں کہ اس طرح کے تعلقات میں استحصال، کم تر گفت و شنید، کم تر وابستگی کی شرحوں کی کثیر تعداد دیکھی گئی ہے۔ کئی لوگ دوبارہ اس مسلسل امید کی وجہ سے ملتے ہیں کہ خوشی اور احسان مندی کے لمحات بالآخر مکمل تعلقات کا حصہ بنیں گے۔ 2009ء کے ایک مطالعے سے جو پبلک ری لیشن شپ جرنل میں چھپا، یہ بات آشکارا ہوئی کہ تقریبًا دو تہائی شرکاء رواں دفع تعلقات کا تجربہ کر چکے ہیں۔ سبھی رواں دفع تعلقات کھٹاس بھرے نہیں ہوتے کیونکہ ٹوٹ کر الگ ہونا اور پھر صلح صفائی کرنا فریقین میں بہتر گفت و شنید لا سکتا ہے اور ان کے رشتے کے مسائل پر توجہ مرکوز کر سکتا ہے۔

رواں دفع تعلقات جدید زمانے میں کثرت سے ہھیل رہے ہیں۔ اس کی وجہ سے افراد میں دو طرقہ وابستگی اور تا حیات زندگی ساتھ گزارنے کے جذبے میں کمی واقع یوئی ہے۔ اسی وجہ سے ان میں ایک فریق حد درجہ مخلص ہوتا ہے اور لمبے رشتے کی توقع رکھتا ہے تو دوسرا فریق اس سے جذباتی طور پر عدم وابستہ رہتا ہے۔ کبھی کبھی دونوں فریق غیر سنجیدہ ہوتے ہیں۔ یہ ایک روایتی مشرقی شادی سے الگ صورت حال ہے جس میں لوگ تاحیات ساتھ رہنے کی عمومًا کوشش کرتے ہیں اور طلاق کے واقعات کم ہی دیکھے جاتے ہیں۔

مزید دیکھیے

• بین شخصی تعلقات