نومبر 9 تاریخ کی صبح ، 1993ء کو ستاری موست کو تباہ کر دیا گیا۔ ستاری موست ، یک محرابی (single arched)ہندسیات پر بنایا گیا یہ ایک واحد محراب رکھنے والا پل تھا جو 1566ء سے سن 1993 تک ، چار صدیوں سے زیادہ عرصہ، زمانے کے اتار چڑھاؤ سہتا رہا حتٰی کہ جنگ عظیم میں بھی اپنے اندر سموئی ہوئی تاریخ کے ساتھ برقرار رہا۔ مگر جنگ بوسنہ و ہرسک 1993 کی وہ صبح اس پل پر بہت بھاری گذری کہ جب تاریخی عمارتوں کو نقصان نا پہنچانے کی تمام تر روایات اور اصول نظر انداز کرتے ہوئے Croat Catholic militia کا داغا گیا پہلا گولہ اس کے پاؤں (ستون) پر لگا اور پھر اسی مقام پر پہ در پہ گولے آ آ کر گرتے رہے بالآخر یہ ستون منہدم ہو گیا اور ساتھ ہی اس پر قائم یک محرابی پل کی عمارت بھی دریا میں جاگری۔ وہ لوگ جو اس پل کی تاریخ سے واقف تھے ، جو شدید جنگ اور ظلم و ستم سہ کر بھی ڈٹے ہوئے تھے وہ بھی اس پل کو گرتا دیکھ کر رو دیے[1]۔
بوسنیا و ہرزیگووینا
