سپر اوور

دنیائے کرکٹ میں سپر اوور (Super over) ایک ایسے اوور کو کہا جاتا ہے جو کسی ٹورنامنٹ کے ناک آؤٹ مراحل میں مقابلہ برابر ہو جانے کی صورت میں کروایا جاتا ہے اور پھر اس کے ذریعے فاتح ٹیم کی نشان دہی ہوتی ہے۔ اس سے قبل بال آؤٹ کے ذریعے نشان دہی ہوتی تھی۔

سپر اوور کے قوانین

1 - سپر اوور اصل میچ کے اختتام پر دس منٹ کے وقفے سے کھیلا جائے گا۔

2 - اصل میچ کے دوران بعد میں بیٹنگ کرنے والی ٹیم سپر اوور پہلے کھیلے گی۔

3 - دونوں ٹیموں کو صرف تین بلے بازوں کو بھیجنے کی اجازت ہو گی۔ یعنی دو کھلاڑیوں کے آؤٹ ہونے پر سپر اوور کا اختتام ہو جائے گا۔

4 - سپر اوور میں بننے والے رن بلے باز کے ریکارڈ میں شمار نہیں کیے جائیں گیں اور نہ ہی حاصل کردہ وکٹیں گیند باز کے ریکارڈ میں شمار ہو گیں۔

5 - اگر سپر اوور میں بھی اسکور برابر رہا تو پھر پانچ منٹ کے وقفے سے دوبارہ سپر اوور کروایا جائے گا اور یہ سلسلہ اس وقت تک چلتا رہے گا جب تک کوئی ٹیم جیت نہ جائے۔

ریکارڈ برائے سپر اوور

1- لوگن وین بیک نے ویسٹ انڈیز کے خلاف سپر اوور میں 30 رن بنائے جو کسی بھی کھلاڑی کی جانب سے سپر اوور میں بنائے گئے سب سے زیادہ رن ہیں۔

2- سنیل نارائن نے کریبیئن پریمئر لیگ 2018 کے ایک مقابلے میں سپر اوور کو میڈن اوور میں تبدیل کر دیا۔ جو ایک ریکارڈ ہے۔

3- نیدر لینڈ نے ویسٹ انڈیز کے خلاف سپر اوور میں 30 رنز بنائے جو کسی بھی ٹیم کی جانب سے سپر اوور میں بنائے گئے اب تک کے سب سے زیادہ رنز ہیں۔