شاڈلن
شاڈلن ( عبرانی: שַׁדְלָן)،بین الاقوامی اصواتی ابجدیہ: [ʃtadˈlan] ; (یدیش: שתּדלן) کسی بھی مقامی یورپی یہودی برادری کاسفیر و ترغیب کاروحمایتی ہوتاتھا۔ وہ کمیونٹی کے مفادات کی نمائندگی کرتا، خاص طور پر یہودی پاڑے میں رہنے والے یہودکے مفادات اور ان کے تحفظ اور فائدے کے لیے حکام کے ساتھ بات چیت کرتے ہوئے " ترغیب کار " کے طور پر کام کرتا تھا۔ یہودیوں کی سفارشی و تائیدی عمل شادلانوٹ کے نام سے جانا جاتا ہے (یدیش: שתּדלנות) ۔
شاڈلانیم (شاڈلن کی جمع) نے یہودی برادری کی شفاعت کرنے کے لیے بہت سے حربوں پر انحصار کیا۔ ان میں جذباتی اپیلیں و مرافعات شامل تھیں، جیسے بھیک مانگنا، عقلی اپیلیں جیسے چارٹر یا فرمان کو نافذ کرنے کی کوشش کرنا اور حکام کو اپنے مفادات کی جانب راغب کرنے کے لیے دئے جانے والی رقم یا دیگر سامان تحائف کے لیے چندہ کرنا۔ جمپول سے تعلق رکھنے والے ایک شاڈلن ایلواکیم زیلیگ نے خاص طور پر 1757 میں روم جانے والے ایک مشن نے پوپ کے لیے بھیک مانگنے کی ضرورت بیان کی ، جس میں اس نے یہودیوں کو خونریزی کے خلاف دفاع کے لیے حمایت حاصل کرنے کی کوشش کی۔
عام طور پر، ایک یہودی برادری ( قہل ) اپنے اندرونی معاملات پر خود حکومت کرتی تھی۔ بیرونی معاشرے کے ساتھ تعاملات، جیسے کہ ٹیکس وصولی اور برادری پر عائد مختلف پابندیوں کا نفاذ، ایک اندرونی انتظامی بورڈ کے ذریعے ترتیب دیا گیا تھا۔
شاڈلن کردار 17 ویں صدی کے یورپ میں، مطلق العنانیت کے عروج کے ساتھ، رہائشی یہودی برادری اور اس علاقے پر تسلط میں شاہی حکومت کے درمیان ایک ثالث کے طور پر ابھر کر سامنے آیا۔ اس عہدے کا تقرر حکومت نے کیا تھا اور یہاں تک کہ اسے شاہی اہلکار کے طور پر بھی نامزد کیا جا سکتا تھا۔ اگرچہ وہ سرکاری طور پر صرف یہودی برادری کی نمائندگی کرتا تھا، یوںشٹاڈلان حکومت کا آلہ کار بن گیا۔ [ حوالہ درکار ]
ششاڈلنوں نے یہودی برادری میں خاص طور پر پولش-لتھوانیائی دولت مشترکہ میں اہم کردار ادا کیا۔ ایک ممتاز شاڈلن بارخ بن ڈیوڈ یاون تھا، جو 1700 کے اوائل میں پیدا ہوا تھا۔ یاون نے پولینڈ کے بادشاہ آگسٹس III اور پرشیا کے فریڈرک II کے درمیان بہت سے خفیہ مشنوں میں اہم کردار ادا کیا، جس نے آسٹریا کی جانشینی کی جنگ کو ختم کرنے میں مدد کی۔ یاون وارسا میں ایک پوپ نونسیو کے ساتھ بھی رابطے میں تھا جس کی وجہ سے وہ کامینییک تنازع میں بہت سے تلمود کو بچانے میں کامیاب ہوا ۔ [2] جیکب ٹیٹیل، زارسٹ روسی حکمرانی کے تحت 1851 میں پیدا ہوئے، ایک بااثر شاڈلن کی ایک اور مثال ہے۔ سراتوف شہر میں قتل عام شروع ہونے کے بعد، اس نے یہودی مخالف کارروائیوں کو روکنے کے لیے علاقائی گورنر سے اپنا تعلق استعمال کیا۔
19ویں صدی کے آخر میں، شاڈلنی سرگرمیوں کے لیے پریس اور رائے عامہ کا استعمال شاڈلن کے کام میں سب سے اہم عنصر بن گیا، جو روس میں پوگروم کے متاثرین کے لیے امدادی کوششوں کے ساتھ ساتھ سیاسی صیہونیت کی ابتدائی بنیادوں کے ساتھ گہرا تعلق بن گیا۔ [3]
روایتی طور پر، شاڈلنوں کو یہودی برادری کے عظیم محافظ کے طور پر دیکھا جاتا تھا اور برادری کے زیر انتظام یہودی مذہبی حکام سے منظوری حاصل کی جاتی تھی۔ [4]
حوالہ جات
ترمیم- ↑ Scott Ury (2002)۔ The Shtadlan of the Polish-Lithuanian Commonwealth: Noble Advocate or Unbridled Opportunist? Polin, vol. 15 (2002): 267-299۔ Portland, Oregon: Oxford
- ↑ "YIVO | Barukh ben David Yavan"۔ www.yivoencyclopedia.org۔ اخذ شدہ بتاریخ 07 دسمبر 2016
- ↑ François Guesnet (2002–2003)۔ "Jewish political culture between East and West: Isaak Ruelf and the Transformations of intercession (shtadlanus) in the 19th century"۔ Exhibition: Tradition and Its Discontents - Jewish History and Culture in Eastern Europe۔ Penn Library۔ 23 اکتوبر 2004 میں اصل سے آرکائیو شدہ
- ↑ See Tosafot Yom Tov on Pirkei Avos 2:3 where Rabbi Yom-Tov Lipmann Heller compares those who work on behalf of the community to intercede with the ruling power to the likes of Mordecai in the Book of Esther and to Rabbi Judah HaNasi, codifier of the Mishna.