صفراوی اینٹھن
صفراوی اینٹھن یابلیری کولک ، جسے پتے کے درد کے نام سے بھی جانا جاتا ہے، یہ درد اس وقت ہوتا ہے جب پتے میں موجود پتھری کی وجہ سے عارضی طور پر صفراوی نالی کا راستہ روک جاتا ہے۔ [3] عام طور پر، درد پیٹ کے دائیں جانب کے اوپری حصے میں ہوتا ہے، اور یہ کندھے تک پھیل سکتا ہے۔ [1] درد عام طور پر ایک سے چند گھنٹوں تک رہتا ہے۔ [3] اکثر، یہ بھاری کھانا کھانے کے بعد یا رات کے وقت ہوتا ہے۔ [3] درد کے بار بار حملے عام ہیں۔ [2] بلیری کالک والے تقریباً 15فیصد لوگوں میں اگر علاج نہ کیا جائے تو بالآخر پتے کی سوزش پیدا ہو جاتی ہے۔ [2] دیگر پیچیدگیوں میں لبلبہ کی سوزش شامل ہے۔ [2]
| صفراوی اینٹھن | |
|---|---|
| مترادف | پتے کی پتھری کا درد، پتے کا درد، پتے کی پتھری کی نشانی |
 | |
| صفراوی اینٹھن کا تعلق اکثر پتے یں پتھری سے ہوتا ہے۔ | |
| اختصاص | جنرل سرجری |
| علامات | دائیں جانب اوپری پیٹ میں درد[1] |
| عمومی حملہ | بار بار[2] |
| دورانیہ | کچھ گھنٹے[3] |
| خطرہ عنصر | موٹاپا، مانع حمل گولیاں، ٹرائیگلیسرائڈز کی زیادتی، ذیابیطس، مرض کروہن ، سروسس، سیکل سیل کی بیماری[4] |
| تشخیصی طریقہ | الٹرا سائونڈ[5] |
| مماثل کیفیت | اپینڈیکس کا عارضہ، پیٹ کے السر، لبلبے کی سوزش، گیسٹرو فیجیل ریفلکس بیماری[3] |
| علاج | پتے کو نکالنے کی سرجری[3] |
| تعدد | 0.3فیصد ہرسال (ترقی یافتہ ممالک)[2] |
خطرے کے عوامل میں موٹاپا ، مانع حمل گولیاں ، ٹرائگلیسرائڈز کی خون میں زیادتی ، ذیابیطس ، مرض کروہن ، سروسس ، اور سکل سیل کی بیماری شامل ہیں۔ [4] پتھریوں میں سب سے عام قسم، کولیسٹرول کی پتھری ہے۔ [6] دیگر اقسام میں کیلشیم، بلیروبن ، روغن، اور مخلوط پتھری شامل ہیں۔ [6] تشخیص، میں عام طور پر الٹراساؤنڈ کے ذریعے کی جاتی ہے۔ [5] دوسری حالتیں جو اسی طرح کی علامات پیدا کرتی ہیں ان میں اپینڈیسائٹس( زائد آنت کی سوزش) ، پیٹ کے السر ، لبلبے کی سوزش ، اور معدے کی سوزش کی بیماری شامل ہیں۔ [3]
پتے کے حملوں کا علاج عام طور پر پتے کو نکالنے کی سرجری ہے۔ [3] یہ سرجری یا تو چھوٹے چیرا کے ذریعے یا ایک بڑے چیرا کے ذریعے کیی جا سکتی ہے۔ [3] بڑے چیرے کے ذریعے کی جانے والی کھلی سرجری، چھوٹے چیرا کے ذریعے کی جانے والی سرجری سے زیادہ پیچیدگیوں سے وابستہ ہے۔ [7] سرجری عام طور پر جنرل اینستھیزیا کے تحت کی جاتی ہے۔ [3] ان لوگوں میں جو سرجری سے قاصر ہیں، پتھری کو تحلیل کرنے کے لیے دوائیں یا شاک ویو لیتھو ٹریپسی کی کوشش کی جا سکتی ہے۔ [3] بمطابق 2017[update] یہ واضح نہیں ہے کہ آیا بیلری کالک والے ہر شخص کے لیے سرجری کا ضروری ہے۔ [7]
ترقی یافتہ ممالک میں 10 سے 15 فیصد بالغوں میں پتھری موجود ہوتی ہے۔ [2] پتھری والے افراد میں سے، بلیری کالک ہر سال 1 سے 4فیصد میں ہوتا ہے۔ [2] تقریباً 30 فیصد لوگوں کو درد کے حملے کے بعد سال میں پتھری سے متعلق مزید مسائل ہوتے ہیں۔ [2] خواتین مردوں کے مقابلے میں زیادہ عام طور پر متاثر ہوتی ہیں۔ [4] بوڑھے لوگ بھی عام طور پر متاثر ہوتے ہیں۔ [4] بلیری کالک کی پہلی واضح تفصیل 1506 میں انتونیو بینیوینی نے شائع کی تھی۔ [8]
حوالہ جات
ترمیم- ^ ا ب Internal Clinical Guidelines Team (October 2014)۔ "Gallstone Disease: Diagnosis and Management of Cholelithiasis, Cholecystitis and Choledocholithiasis"۔ NICE.org: 21۔ PMID 25473723۔ Clinical Guideline 188۔ 13 جولائی 2018 میں اصل سے آرکائیو شدہ۔ اخذ شدہ بتاریخ 24 جون 2018
- ^ ا ب پ ت ٹ ث ج چ L. Ansaloni (2016)۔ "2016 WSES guidelines on acute calculous cholecystitis."۔ World Journal of Emergency Surgery : WJES۔ 11: 25۔ PMC 4908702
۔ PMID 27307785۔ doi:10.1186/s13017-016-0082-5
- ^ ا ب پ ت ٹ ث ج چ ح خ د "Gallstones"۔ NIDDK.NIH.gov۔ Washington DC: National Institute of Diabetes and Digestive and Kidney Diseases۔ November 2013۔ 16 اگست 2016 میں اصل سے آرکائیو شدہ۔ اخذ شدہ بتاریخ 27 جولائی 2016
- ^ ا ب پ ت "Definition & Facts for Gallstones | NIDDK"۔ National Institute of Diabetes and Digestive and Kidney Diseases۔ 18 مارچ 2021 میں اصل سے آرکائیو شدہ۔ اخذ شدہ بتاریخ 04 مارچ 2021
- ^ ا ب DF Sigmon، N Dayal، M Meseeha (January 2021)۔ "Biliary Colic"۔ StatPearls۔ PMID 28613523
- ^ ا ب David C. Sabiston، Courtney M. Townsend (2012)۔ Sabiston Textbook of Surgery: The Biological Basis of Modern Surgical Practice۔ Philadelphia: Elsevier/Saunders۔ صفحہ: 328–358۔ ISBN 978-1-4377-1560-6
- ^ ا ب "Surgery to treat gallstones and acute inflammation of the gallbladder"۔ SBU.se۔ Swedish Agency for Health Technology Assessment and Assessment of Social Services (SBU)۔ 2016-12-16۔ 06 جون 2017 میں اصل سے آرکائیو شدہ۔ اخذ شدہ بتاریخ 01 جون 2017
- ↑ Jeffrey Norton، Philip S. Barie، Ralph R. Bollinger، Alfred E. Chang، Stephen Lowry، Sean J. Mulvihill، Harvey I. Pass، Robert W. Thompson (2009)۔ Surgery: Basic Science and Clinical Evidence (بزبان انگریزی)۔ Springer Science & Business Media۔ صفحہ: 911۔ ISBN 978-0-387-68113-9۔ 28 اگست 2021 میں اصل سے آرکائیو شدہ۔ اخذ شدہ بتاریخ 04 مارچ 2021
