محمد حتٰی

پیدائش: 1902ء

انڈونیشیا کی تحریک آزادی کے ایک ممتاز رہنما۔ ڈاکٹر محمد حتی یا محمد عطا جاوا کے ایک معزز خاندان میں پیدا ہوئے۔ ابتدائی تعلیم وطن میں حاصل کرنے کے بعد ڈاکر حتی ہالینڈ میں مقیم انڈونشی طلبہ کو منظم کرنے لگے۔ 1924ء میں آپ کو برلیز کی بین الاقوامی مخالفت شہنشاہیت کانفرنس کا صدر منتخب کیا گیا۔ پنڈت نہرو سے ان کی ملاقات بھی اسی موقع پر ہوئی۔ انڈونیشیا واپس آکر انھوں نے ڈاکٹر سوکارنو کے ساتھ مل کر ایک قوم پرست جماعت بنائی اور وطن کی جدوجہد آزادی میں سرگرم حصہ لینے لگے۔دوسری جنگ عظیم میں انڈونیشیا کے مستقبل پر گفت و شنید کے لیے ٹوکیو گئے۔ جب جاپان کے ارباب حل و عقد نے ان کے مطالبات تسلیم نہ کیے تو واپس آکر جاپان کے قبضہ و اقتدار کے خلاف بھی جدوجہد شروع کر دی۔ جاپان کی شکست کے بعد 19 اگست 1945ء کو ڈاکٹر حتی نے انڈونیشیا میں جمہوری حکومت کے قیام کا اعلان کر دیا۔ چند سال تک ہالینڈ سے کش مکش جاری رہی۔ بالاخر انڈونیشیا مکمل آزادی حاصل کرنے میں کامیاب ہوا۔ ڈاکٹر محمد حتی انڈونیشیا کے پہلے وزیر اعظم اور بعد میں نائب صدر بنے۔ 1960ء میں مستعفی ہو گئے۔ 1976ء میں باغیانہ سرگرمیوں کے الزام میں گرفتار کر لیے گئے۔