محمد طاہر آیت علجت

محمد طاہر آیت علجت مقراوی الجزائر کے مالکی ممتاز عالم دین تھے ۔

فضیلۃ الشیخ
محمد طاہر آیت علجت
(عربی میں: مُحمَّد الطاهر آيت علجت)
معلومات شخصیت
پیدائش	31 اکتوبر 1916ء
وفات	13 جون 2023ء (107 سال)
شہریت	الجزائر فرانس (–31 دسمبر 1962)
عملی زندگی
پیشہ	ماہرِ لسانیات ،  عالم ،  منصف ،  معلم
پیشہ ورانہ زبان	عربی
عسکری خدمات
لڑائیاں اور جنگیں	جنگ الجزائر
دستخط

شیخ محمد الطاہر آیت علجت (31 اکتوبر 1916ء – 13 جون 2023ء) الجزائر کے ممتاز عالم دین، داعی، اور فتویٰ کمیٹی و رؤیت ہلال کمیٹی کے سربراہ تھے۔

حالات زندگی

آپ نے قرآن مجید اپنے آبائی علاقے زاویہ شیخ یحییٰ عیدلی میں حفظ کیا۔ ابتدائی علوم عربیہ اور لسانیات کی تعلیم زاویہ سیدی یحییٰ عیدلی اور زاویہ سیدی احمد بن یحییٰ اومالو میں حاصل کی۔ مزید تعلیم کے لیے زاویہ حملاوی (قرب قسنطینہ) کا رخ کیا، جہاں فقہ، علوم عربیہ، ادب، اور ریاضی میں مہارت حاصل کی۔ شیخ آیت علجت نے قسنطینہ میں شیخ عبد الحمید بن بادیس کے دروس میں بھی شرکت کی۔ تعلیم مکمل کرنے کے بعد وہ اپنے آبائی علاقے تھاموقرة واپس آئے۔ شیخ محمد الطاہر آیت علجت نے تھاموقرة میں خود کو تعلیم، تدریس، اور فتاویٰ کے لیے وقف کر دیا۔ ان کے تدریسی نظام نے بجایہ سے ہضابِ علیا اور صومام سے بابور کے پہاڑوں تک کے طلبہ کو متاثر کیا۔ ان کے طلبہ جامعہ زیتونہ (تونس) اور شیخ ابن بادیس کے اداروں میں داخل ہو کر نمایاں کامیابیاں حاصل کرتے تھے۔ ان کے ادارے کا نصاب زیتونی اور ابن بادیسی نظام کے مطابق تھا، جس نے علمی اور ثقافتی میدان میں انقلاب برپا کیا، اور ان کے شاگرد تعلیم اور جہادِ ثقافتی میں اہم کردار ادا کرتے رہے۔

علمی سفر

شیخ محمد طاہر آیت علجت نے 11 سال کی عمر میں قرآن حفظ کیا اور ابتدائی علوم تین اساتذہ (شیخ الصالح اوقاسی، شیخ محند وعلی الطیب، شیخ الطیب الیتورغی) سے حاصل کیے۔ 12 سال کی عمر میں زاویہ سیدی احمد اویحیٰ (امالو) میں 4 سال تک شیخ لحلو الخیاری اور شیخ سعید الیجری سے فقہ، نحو، بلاغت، فلک، اور حساب کی تعلیم لی۔ بعد ازاں، زاویہ سیدی بلحملاوی (قریب قسنطینہ) میں پانچ اساتذہ سے شرعی اور انسانی علوم حاصل کیے، جن میں تین تونسی (شیخ مصباح حویدق، شیخ محمد، شیخ محمود قریبع) اور دو الجزائری (شیخ سعید الیعلوی، شیخ احمد بسكری) شامل تھے۔

تعلیمی خدمات

شیخ محمد طاہر آیت علجت 20 سال کی عمر میں تھاموقرة واپس آئے اور تدریس کا آغاز کیا۔ 1937ء میں انہوں نے اپنے جد شیخ یحییٰ العیدلی کی قدیم زاویہ کو، جو استعماری قوتوں نے تباہ کر دی تھی، مقامی لوگوں کے تعاون سے دوبارہ آباد کیا۔ اس زاویہ میں قرآن پاک، علوم شرعیہ، لسانیات، قراءات، اور حساب کی تعلیم دی جاتی تھی۔ شیخ الطاہر نے ایک منظم نصاب تیار کیا جو بڑے اسلامی تعلیمی اداروں کے معیار کے مطابق تھا۔ ان کی تدریسی مہارت اور زاویہ کی شہرت نے دور دراز علاقوں، جیسے مسیلا، برج، سطیف، اور تیزی وزو سے طلبہ کو بھی اپنی طرف متوجہ کیا۔ ان کے شاگرد جامعہ زیتونہ اور دیگر اعلیٰ تعلیمی اداروں میں کامیابی کے ساتھ داخلہ لیتے اور اپنے ادارے کی نیک نامی کو بڑھاتے تھے۔

تصنیفات

شیخ محمد طاہر آیت علجت کے اہم تصنیفی کام درج ذیل ہیں:

1. شرح رسالہ ابن ابی زید القیروانی (آڈیو ریکارڈنگ)
2. تقریظ بر کتاب "ملتقی الأدلة الأصلية والفرعية" از شیخ محمد بای بلعالم
3. مختارات سلسلة شرح الموطأ
4. شرح ترتیب الفروق
5. شرح متن الرحبیہ
6. شرح کتاب الرسالہ (ابن ابی زید القیروانی)
7. شرح متن الرسالہ تا باب الضحایا

شاگرد

شیخ کے زیر تربیت کئی طلبہ نے علم و فضل میں نمایاں مقام حاصل کیا۔ ان کے چند ممتاز شاگرد:

1. مولود قاسم نایت بلقاسم (سابق وزیر)
2. ڈاکٹر محمد الشریف قاہر
3. شیخ أبو عبد السلام
4. شیخ آخر عمر تک مسجد الإمام مالک بن أنس (بوزریعة) میں فقہ، نحو، اور قراءات سمیت دیگر علوم کی تدریس کرتے رہے۔ ودفن في مقبرة عيسات إيدير ببني سوس.

وفات

شیخ محمد طاہر آیت علجت 106 سال کی عمر میں بروز منگل، 13 جون 2023ء کو الجزائر کے دارالحکومت میں واقع مصطفیٰ باشا اسپتال میں انتقال کر گئے۔ ان کی صحت کافی عرصے سے ناساز تھی۔ انہیں بنی سوس کے عیسات ایدیر قبرستان میں سپرد خاک کیا گیا۔