مسجد می ٹو

مسجد می ٹو (انگریزی: Mosque Me Too) (#MosqueMeToo) بنیادی طور پر ایک مسلم خواتین کی تحریک ہے جہاں پر مسلم خواتین نے حج کے دوران جنسی ہراسانی کے بارے میں آواز اٹھائی۔ یہ تحریک مسلم خواتین میں پھیل گئی جس سے دنیا کے دیگر مسلم مذہبی مراکز اور مقدس مقامات، جیسے جامع مسجد دہلی میں بھی جنسی استحصال کے تجربات کو بیان کیا۔ اس تحریک میں 'می ٹو' کا استعمال می ٹو تحریک سے ہوتا ہے، اس تحریک نے اکتوبر 2017ء میں دنیا بھر میں مقبولیت حاصل کی تھی۔

پس منظر

فروری 2018ء میں، ایک پاکستانی مسلمان خاتون نے حج کے دوران جنسی استحصال کے اپنے تجربات فیس بک پر شیئر کیے۔ بعد میں یہ پوسٹ حذف کردی گئی تھی، لیکن اس سے پہلے بہت سارے لوگوں نے دیکھ لیا تھا۔

ایک مصری امریکی صحافی منی الطحاوی نے 1982ء میں ایک کتاب میں حج پر جنسی زیادتی کے اپنے تجربات شیئر کیا تھا جو فروری میں #MosqueMeToo ہیش ٹیگ کا استعمال کرتے ہوئے ری ٹویٹ (retweeted) کیا گیا تھا۔ اس واقعے کے وقت منی الطحاوی کو یاد آیا کہ "ایک مقدس جگہ پر جنسی زیادتی کے بارے میں کون بات کرنا چاہتا ہے؟ کوئی بھی اس پر یقین نہیں کرے گا۔" دیگر بہت سی خواتین نے جنسی استحصال کے اپنے تجربات بھی #MosqueMeToo ہیش ٹیگ کا استعمال کرتے ہوئے سوشل میڈیا پر آئیں۔

جواب

سوشل میڈیا پر کچھ لوگوں نے اس تحریک کو تنقید کا نشانہ بناتے ہوئے کہا کہ یہ اسلاموفوبیا یا مغربی پروپیگنڈے کا آلہ ہے۔ مسجد می ٹو تحریک کے حامیوں نے کہا کہ مسلمانوں کی منفی خصوصیات سے بچنے کے لیے مسلم خواتین کو حملہ کے معاملے پر خاموش نہیں رہنا چاہیے۔

مزید دیکھیے

• می ٹو تحریک
• دوران میں حج حادثات