معاہدہ گندمک
گندمک کا معاہدہ ( پشتو میں : دگ گڈمك معاہدہ؛ انگریزی میں : Treaty of Gandamak) سنہ 1879ء میں امارت افغانستان اور برطانوی ہندوستان کی حکومت کے درمیان دستخط کیے جانے والا ایک معاہدہ ہے، جو سرکاری طور پر دوسری اینگلو-افغان جنگ کے پہلے مرحلے کو ختم کرتا ہے، جس کے تحت افغانستان نے اپنی سرزمین کا ایک وسیع علاقہ برطانوی راج کے سپرد کر دیا کھو دیا تاکہ مزید قبضے کو روکا جا سکے۔
یہ معاہدہ 26 مئی، 1879ء کو والی افغانستان، محمد یعقوب خان اور سر پیئر کاوناری کے درمیان حکومت برطانوی ہند کی جانب سے کابل سے تقریباً 113 کلومیٹر (70 میل) مشرق میں افغان گاؤں گندمک کے قریب واقع ایک برطانوی فوجی کیمپ میں ہوا تھا۔ جہاں والی نے برطانیہ کی جانب سے افغانستان کو سالانہ مدد کے عوض خارجہ تعلقات کی نگرانی قبول کی، جس کا تخمینہ تقریباً 60,000 برطانوی پاؤنڈ تھا۔ سنہ 1880ء سے لے کر 1920ء تک، برطانیہ نے افغانستان کے تمام معاملات پر بالواسطہ نگرانی کی پالیسی پر عمل جاری رکھا اور جب افغانستان برطانوی ہندوستان کی حکومت سے مادی امداد حاصل کر رہا تھا، افغانستان کے لیے برطانیہ کے علاوہ کسی دوسری طاقت کے ساتھ معاملہ کرنا ممنوع تھا۔