مقالات العثماني
مقالات العثماني پاکستانی دیوبندی عالم محمد تقی عثمانی کی ایک کتاب۔ یہ کتاب مفتی تقی عثمانی کے عربی زبان میں تحریر کردہ مقالات کا مجموعہ ہے ۔ کتاب دو جلدوں پر مشتمل ہے ۔ ٤٦٣ صفحات کی جلد اول میں عقیدہ ، تفسیر ، حدیث ، فقہ ، قانون ، تعلیم اور افکار معاصرہ سے متعلق مقالات ہیں ۔ مفسرین کے طبقات اور اصول تفسیر ، تاریخ تفسیر ، مفسر کی شروط و آداب ، تفسیر بالرائے کا مقام و مرتبہ ، تدوین حدیث کی تاریخ ، طبقات رواۃ ، کتب حدیث کی اقسام ، ١٤ ویں صدی ہجری کی اہم شروح حدیث کا تعارف اور پاکستان میں دینی تعلیم کا جائزہ جلد ہذا کے اہم عناوین میں سے ہیں ۔ جلد دوم میں سیاست اور اقتصاد سے متعلق مقالات کے علاوہ چند مشہور شخصیات ( مولانا مفتی محمد شفیع ، شیخ اشرف علی تھانوی اور یوسف قرضاوی وغیرہ ) کا تعارف کروایا گیا ہے ، نیز مفتی تقی عثمانی کے مختلف کتب و مجلات میں لکھے جانے والے مقد مہ جات بھی بیان کیے گئے ہیں ۔ اس کے ٤٣٧ صفحات ہیں ۔ مجلد اور خوبصورت سر ورق سے مزین یہ کتاب ١٤٣٦ ھ میں مکتبہ معارف القرآن کراچی سے شائع ہوئی ہے ۔[1]
| مصنف | محمد تقی عثمانی |
|---|---|
| ملک | پاکستان |
| زبان | عربی |
| ویب سائٹ | muftitaqiusmani.com |
مزید دیکھیے
ترمیمحوالہ جات
ترمیم- ↑ ظل ھما (جنوری۔ جون ٢٠١٩)۔ "مفتی محمد تقی عثمانی کی معروف تصانیف و تالیفات کا تعارفی جائزہ"۔ راحت القلوب۔ ٣ (١): ٢٠٥۔ 28 جنوری 2021 میں اصل سے آرکائیو شدہ۔ اخذ شدہ بتاریخ ٢٤ جنوری ٢٠٢٢