نوٹو (فونٹ خاندان)
نوٹو (انگریزی: Noto) گوگل کا تخلیق کردہ ایک فونٹ خاندان ہے جس کا مقصد دنیا کی تمام زبانوں کے لیے معیاری فونٹ کی فراہمی ہے۔ اس خاندان کے تحت تیار کیے جانے والے فونٹ مختلف زبانوں/ رسم الخط کے درمیان بصری ہم آہنگی (مثلاً موزوں بلندی اور خط کی موٹائی) قائم کرنے کے لیے تیار کیے گئے ہیں۔ تمام نوٹو فونٹ اپاچی اجازہ کے تحت دستیاب ہیں۔
 | |
| Commissioned by | گوگل |
|---|---|
| تاریخ تخلیق | 2012-2014 |
| تاریخ اشاعت | 2013 |
| License | Apache License |
| ویب سائٹ | Get Noto |
وجہِ تسمیہ
ترمیمگوگل کی جانب سے اپنے فونٹ خاندان کو نوٹو قرار دینے کی وجہ یہ بتائی گئی ہے:
| ” | جب کمپیوٹر متن پڑھتا ہے تو بعض اوقات متن میں ایسے حروف بھی ہوتے ہیں جنھیں کمپیوٹر ظاہر نہیں کر پاتا، کیوں کہ اُنہیں دکھانے کی صلاحیت کا حامل فونٹ کمپیوٹر پر موجود نہیں ہوتا۔ ایسی صورت میں، اُن حروف کی جگہ چھوٹے ڈبے ظاہر ہوتے ہیں جنھیں ہم ٹوفو کہتے ہیں۔ ہم ویب کو ان ڈبوں سے پاک کرنا چاہتے ہیں۔ یوں اس فونٹ خاندان کو نوٹو کا نام ملا۔[1] | “ |
گویا نوٹو سے مراد ہے کہ اب مزید کوئی ڈبے نہیں۔
تخلیق
ترمیم15 نومبر 2014ء کے اعداد و شمار کے مطابق نوٹو خاندان کے تحت مختلف زبانوں کے لیے 98 فونٹ جاری کیے جاچکے ہیں۔[2]
اُردو فونٹ
ترمیمگوگل ڈیویلپرز بلاگ پر گوگل کے سافٹ ویئر انجینئر بہداد اسفہبد نے 10 نومبر 2014ء کو شائع کردہ تحریر میں[3] اردو زبان کے لیے نستعلیق فونٹ جاری کیا۔ یہ فونٹ ایرانی نستعلیق کی طرز پر بنایا گیا ہے اور اسے ترسیموں کی بجائے حرفی بنیاد پر تخلیق کیا گیا ہے۔