مجیب ظفر انوار حمیدی
پروفیسر مجیب ظفر انوار حمیدی (1959ء-2020) بچوں کے معروف پاکستانی ادیب تھے۔ آپ 24 اگست 1959ء کو کراچی کے علاقے لیاقت آباد میں پیدا ہوئے۔ آپ کے والد کا نام انوار حسین حمیدی اور والدہ کا نام فاطمہ اختر نصیری ہے۔ پروفیسر مجیب ظفر انوار حمیدی نے 1974ء میں میٹرک کا امتحان پاس کیا اور پھر ڈی جے سائنس کالج سے 1978ء میں انٹرنس کیا بعد ازاں آپ نے جامعہ کراچی سے بی۔ اے اور اسی جامعہ سے پی ایچ ڈی کر رہے تھے، آپ بچوں کے ایک ماہر ادیب اور " پاکستان چلڈرن رائٹرز گلڈ " کے بانی بھی تھے۔[1]
| پروفیسر مجیب ظفر انوار حمیدی | ||
|---|---|---|
| پروفیسر مجیب ظفر انوار حمیدی پروفیسر مجیب ظفر انوار حمیدی | ||
| ادیب | ||
| پیدائشی نام | یوسف جمال | |
| عرفیت | بھائی ، یوسفی | |
| قلمی نام | پروفیسر مجیب ظفر انوار حمیدی | |
| تخلص | حمیدی | |
| ولادت | 24 اگست 1959ء کراچی | |
| ابتدا | کراچی، پاکستان | |
| وفات | 12نومبر 2020ء | |
| اصناف ادب | نثر | |
| ذیلی اصناف | مزاح، بچوں کا ادب | |
| تعداد تصانیف | 26 | |
| تصنیف اول | بچوں کی کہانیاں 1972 ء | |
| تصنیف آخر | میرے دوست (آپ بیتی ) 2011ء | |
| معروف تصانیف | خون آلود خنجر (الحسن اکیڈمی ) | |
پروفیسر مجیب ظفر انوار حمیدی نے پاکستان اسٹیل کیڈٹ کالج میں بھی پڑھایا۔[2][3]
اصل نام
بہت کم لوگ جانتے ہیں کہ بچوں کے مقبول ترین پاکستانی ادیب کا اصلی نام سید یوسف حسین جمال ہے۔[4]
خاندان
مجیب ظفر حمیدی بدایوں خاندان سے تعلق رکھتے ہیں۔ مجیب ظفر حمیدی کی اہلیہ کانام سیدہ ناہید مجیب ہے جبکہ زین بیٹا اور مریم بیٹی ہے۔[1] وہ پاکستان چلڈرن رائٹرز گلڈ کی صدر ہیں جبکہ پروفیسر مجیب ظفر انوار حمیدی "پاکستان چلڈرن رائٹرز گلڈ " کے بانی ہیں۔[5]
ادبی خدمات
پروفیسر مجیب ظفر انوار حمیدی نے ہزاروں کی تعداد میں بچوں کی کہانیاں، نظمیں اور ڈرامے لکھے ہیں۔ آپ آرٹس کونسل آف پاکستان کی ادبی کمیٹی اور لائبریری کمیٹی کے رکن بھی رہے۔[6]
تصانیف
- [7]
- ) گرم گرم روٹیاں
- (2) لیجیئے آئس کریم کھائیے
- (3) بگلو کی چھٹیاں
- (4) چابی والی موٹر ( چار ایڈیشن )
- (5) پراسرار صندوق
- (6) سب نے کہا شکریہ
- (7) حسن کی کہانیاں
- (8) غزلیہ ( شاعری )
- (9) آتا ہے یاد مجھ کو ( سوانح )
- (10) میرے دوست ( سوانح کا دوسرا حصہ ) وغیرہ وغیرہ
اعزازات
پروفیسر مجیب ظفر انوار حمیدی دو مرتبہ ’’ تمغا حسنِ کارکردگی ‘‘ اور ’’ ستارۂ امتیاز ‘‘ کے لیے نامزد ہوئے لیکن چونکہ پاکستانی ادب ’’ بچوں کے ادب ‘‘ کو شامل نہیں کیا جاتا ، اس لیے ڈاکٹر حمیدی صاحب ان وقتی اعزازات سے ظاہراً محروم رہے۔آپ کی شخصیت بذات خود ایک اعزاز ہے۔مجیب ظفر انوار صاحب ہومیو پیتھک ڈاکٹر بھی ہیں اور آپ نے ’’ جناح میڈیکل کالج ‘‘ سے ہومیو میڈیسنز بھی پڑھیں۔سرکاری تعلیمی افسر (پروفیسر اردو ادبیات و لسانیات ) ہیں ۔ ضعیف ہیں اور کراچی میں عرصے سے مقیم ہیں ۔ پاکستان کے علاوہ کووینا ( کیلی فورنیا ) ، واشنگٹن ، برطانیہ اور چین میں بھی اردو ادب کی تعلیم دے چکے ہیں ۔ آپ کو ’’ وائس آف امریکا ‘‘ اور ’’ بی بی سی ‘‘ ( لندن) نے بھی مدعو کیا ۔ آپ پاکستان چلڈرن رائٹرز گلڈ کے بانی بھی ہیں اس کے علاوہ حمیدی چلڈرن فائونڈیشن کے بانی بھی ہیں۔ پروفیسر مجیب ظفر انوار حمیدی نے ’’ سائنسی ادب ‘‘ بھی لکھا اور ’’ بچوں کے ادب ‘‘ کے تو بے تاج بادشاہ ہیں ۔
ادب اطفال اور مجیب ظفر انوار حمیدی
بچوں اور بڑوں کے معروف ادیب پروفیسر مجیب ظفر انوار حمیدی نے بچوں کے لیے 8000 سے زیادہ کہانیاں لکھی ہیں جو مشہور رسالوں "پھول"، "تعلیم و تربیت"، "نونہال" وغیرہ میں شایع ہوئیں ہیں۔
وفات
12 نومبر 2020ء کو وفات پاگئے ،
بیرونی روابط
| ویکی ذخائر پر مجیب ظفر انوار حمیدی سے متعلق سمعی و بصری مواد ملاحظہ کریں۔ |
- ٹویٹر
- فیس بک
- لنکڈانآرکائیو شدہ (Date missing) بذریعہ pk.linkedin.com (Error: unknown archive URL)
- گلوبل اردو فورم[مردہ ربط]
- گلوبل اردو فورمآرکائیو شدہ (Date missing) بذریعہ globalurduforum.org (Error: unknown archive URL)
حوالہ جات
- ^ ا ب http://dailynews.net.pk/may2011/28-05-2011/childern.asp[مردہ ربط]
- ↑ "آرکائیو کاپی"۔ 2012-08-24 کو اصل سے آرکائیو کیا گیا۔ اخذ شدہ بتاریخ 2012-09-12
- ↑ KARACHI: Call to promote children’s literature - Newspaper - DAWN.COM
- ↑ What is the real name of Mujeeb Zafar Anwar Hamidi
- ↑ "آرکائیو کاپی"۔ 2012-12-30 کو اصل سے آرکائیو کیا گیا۔ اخذ شدہ بتاریخ 2012-09-12
- ↑ http://www.dailynews.net.pk/march-2011/19-03-2011/e-paper/literary.asp[مردہ ربط]
- ↑ "レンタル彼氏について"۔ 2016-02-05 کو اصل سے آرکائیو کیا گیا۔ اخذ شدہ بتاریخ 2012-09-12
- ↑ Mujeeb Zafar - Free People Check UK – Phone, Address, Social Media & more[مردہ ربط]