آلابرق
آلابرق دراصل برقی مولد کا دوسرا نام ہے، اِس سے مراد ایک ایسے مولّد کے لی جاتی ہے جو مبدلہ (commutator) کو استعمال کرتے ہوئے راست رو (direct current) پیدا کرتا ہے۔ اِس لیے اِس کو برق ساز بھی کہاجاسکتا ہے۔
مائیکل فیراڈے نے سب سے پہلے سنہ 1831ء میں، آلابرق ایجاد کیا۔ آلابرقات پہلے ایسے برقی مولّدات تھے جو صنعت کے لیے طاقت فراہم کرنے کے قابل تھے اور جس پر بعد میں آنے والے برقی محرک، مناوب رَو تناوبگر (alternating-current alternator)، چرخانی مبدل (rotary converter) اور کئی دیگر برق تحویلی اختراعات (electric-power conversion devices) کی بنیاد تھی۔
طریقۂ عمل
ترمیمڈائنامو روٹر(ROTOR) سے منسلک ایک کوائل، مبدلہ(کاربن برش) اور مستقل مقناطیسوں پر مشتمل ہوتا ہے۔ کوائل کو گھمانے سے راست رَو پیدا ہوتا ہے۔ رَو کی مقدار اور وولٹیج کوائل میں ٹرنز کی تعداد،مقناطیسوں کی طاقت (MAGNETIC FLUX) اور زیادہ تیزی سے گھمانے (higher rpm) پر منحصر ہے۔
زیادہ طاقتور ڈائنامو کو ڈیم کے ٹربائن سے منسلک کرکے چلایا جا سکتا ہے۔ لیکن یہ طریقہ متروک ہو چکا ہے۔ کیونکہ راست رَو کے قواعد مُناوِب رَو کی نسبت بہت کم ہیں۔ اس لیے اب پاورپلانٹس،گاڑیوں اور اندرونی احتراقی انجنوں(INTERNAL COMBUSTION ENGINES) میں تناوبگر ہی استعمال ہوتا ہے۔
نیز دیکھیے
ترمیم| ویکی ذخائر پر آلابرق سے متعلق سمعی و بصری مواد ملاحظہ کریں۔ |