کوڈ کامبیٹ

کوڈ کامبیٹ کھیل کے ذریعہ تعلیم و تدریس انجام دینے والی ایک کمپنی ہے جو سان فرانسسکو، کیلی فورنیا میں واقع ہے۔ اس کمپنی کی ویب سائٹ پر براؤزر میں کھیلا جانے والا ویڈیو گیم موجود ہوتا ہے جو کھیل کے دوران میں کھلاڑیوں کو کمپیوٹر پروگرامنگ سکھاتا ہے۔

کوڈ کامبیٹ

صدر دفتر	سان فرانسسکو، کیلیفورنیا
کلیدی افراد	جارج سینس، اسکاٹ ایرکسن، نک ونٹر (بانیان)
مصنوعات	مبنی بر براؤزر تعلیمی ویڈیو کھیل
ویب سائٹ	codecombat.com

کمپنی

فروری سنہ 2013ء میں جارج سینیس، اسکاٹ ایرکسن اور نک ونٹر نے کوڈ کامبیٹ کی بنیاد رکھی۔ ان لوگوں نے اس سے پہلے زبان سکھانے والے ایک اطلاقیہ اسکریٹر کو بھی بنایا تھا۔ سنہ 2014ء میں کوڈ کامبیٹ کو وائے کامبینیٹرکمپنی کی مالی معاونت بھی حاصل ہو گئی۔ کوڈ کامبیٹ کے مطابق اس کی تمام مصنوعات مفت ہیں اور کمپنی کا منصوبہ ہے کہ باصلاحیت کھلاڑیوں کو سافٹ ویئر کمپنیوں کی معلومات فراہم کرکے پیسے کمائے جائیں۔ تاہم اس نے اضافی کھیلوں کے لیے ماہانہ زر تعاون کا نظام بھی متعارف کرایا ہے۔

مصنوعات

کوڈ کامبیٹ کا کھیل براؤزر میں کھیلا جاتا ہے۔ یہ کھیل اپنے کھیلنے والوں کو جاوا اسکرپٹ اور پائیتھن جیسی پروگرامنگ زبانیں سکھاتا اور ساتھ ہی کمپیوٹر سائنس کے بنیادی اصولوں سے واقف کراتا ہے۔ کھیل کے درجات میں آگے بڑھنے کے لیے کھلاڑیوں کو کوڈ لکھنا لازمی ہے۔ اسے تنہا بھی کھیل سکتے ہیں اور متعدد افراد مل کر بھی ساتھ کھیلتے ہیں۔ اس کھیل میں بنیادی طور پر ثانوی تعلیم کے بچوں کو مخاطب کیا گیا ہے۔ اسے مختلف تجزیہ نگاروں نے پسند اور مثبت اقدام قرار دیا۔

جنوری 2014ء میں کوڈ کامبیٹ نے اپنے سافٹ ویئر کو آزاد مصدر کر دیا اور لیول ایڈیٹر بھی جاری کیا تاکہ صارفین بھی کھیل کے معلوماتی مواد میں اضافہ کر سکیں۔

مزید دیکھیے

• کوڈکیڈمی