ابن الباذش

ابو حسن علی بن احمد بن خلف انصاری اندلسی غرناطی (444ھ/ 1052ء - 528ھ/ 1133ء)، جو ابن الباذش کے نام سے مشہور تھے ۔غرناطہ ، اندلس کے ایک مقری ، نحوی اور شاعر تھے ۔

ابن الباذش
معلومات شخصیت
تاریخ پیدائش	سنہ 1052ء
تاریخ وفات	سنہ 1145ء (92–93 سال)
عملی زندگی
پیشہ	شاعر

حالات زندگی

علی بن احمد بن خلف، المعروف ابن الباذش، 444ھ میں غرناطہ میں پیدا ہوئے۔ ان کا تعلق ایک معزز خاندان سے تھا، جس کی اصل جڑیں جیان شہر سے تھیں۔ ابن الباذش نے غرناطہ میں پرورش پائی، زہد و تقویٰ کے ساتھ زندگی بسر کی اور مقامی علماء و شیوخ سے علم حاصل کیا۔ ابن الباذش کو علم نحو میں گہری دلچسپی تھی۔ انہوں نے کتاب سیبویہ، أصول ابن السراج اور دیگر اہم نحوی کتب کی شروح لکھیں۔ بصری نحویوں، خاص طور پر سیبویہ، فارسی، اور ابن جنی کے نظریات سے متاثر تھے، لیکن اپنی منفرد آراء بھی پیش کیں۔ ابن الباذش نہ صرف نحو میں ماہر تھے بلکہ شرعی علوم، قرآنی قرات، اور حدیث میں بھی نمایاں مقام رکھتے تھے۔ انہوں نے "الإقناع في القرات السبع" کے عنوان سے ایک اہم کتاب تصنیف کی۔ حدیث میں وہ رواۃ کے اسماء اور ان کے درجات پر عبور رکھتے تھے۔ ابن الباذش وراقت کے پیشے سے وابستہ تھے، ادب و زبان سے دلچسپی رکھتے تھے، اور شاعری بھی کرتے تھے۔

وفات

ان کا انتقال محرم 528ھ میں غرناطہ میں ہوا۔

مؤلفات

آپ کی درج ذیل تصانیف ہیں:

• «شرح كتاب سيبويه»
• «شرح الأصول للسراج»
• «شرح المقتضب للمبرد»
• «شرح الإيضاح للفارسي»
• «شرح الجمل للزجاجي»
• «شرح الكافي للنحاس»
• «الإقناع في القراءات السبع»
• «المقتضب من كلام العرب»