ابن وحشیہ

ابو بکر احمد بن علی اور ابن وحشیہ کے نام سے مشہور ہیں، جیسا کہ “الفہرست” میں مذکور ہے، وہ تیسری صدی ہجری کے سائنس دان تھے۔

ابن وحشیہ
معلومات شخصیت
پیدائش	9ویں صدی  عراق
تاریخ وفات	سنہ 930ء (29–30 سال)
رہائش	عراق
شہریت	دولت عباسیہ
عملی زندگی
پیشہ	مصنف ،  زرعی سائنس دان ،  مورخ ،  ماہر آثاریات ،  مترجم
پیشہ ورانہ زبان	عربی

تالیفات

سحر

جادو اور طلسمات میں ان کی تصانیف بہت مشہور ہیں جن میں

• کتاب طرد الشیاطین
• کتاب السحر الکبیر
• کتاب السحر الصغیر

کیمیا

ان کی کیمیا پر بھی کچھ تصانیف ہیں جو یہ ہیں :

• کتاب الاصول الکبیر
• کتاب الاصول الصغیر
• کتاب شوق المستہام فی معرفہ رموز الاقلام۔

لسانیات

• كتاب شوق المستهام في معرفة رموز الأقلام

زراعت

ابن وحشیہ کی زراعت پر “الفلاحہ النبطیہ” قدیم زرعی تصانیف میں قابلِ قدر مقام رکھتی ہے، اس کتاب میں انھوں نے یہ ثابت کرنے کی کوشش کی ہے کہ ان کے نبطی اسلاف بہت عظیم علم کے مالک تھے، کہا جاتا ہے کہ یہ کتاب قدیم بابلی کتب سے منقول ہے، اس کتاب کی تصنیف کا زمانہ کوئی 291ھ کا بتایا جاتا ہے، اس کتاب کا تذکرہ یہودی فلاسفر “ابن میمون” نے اپنی کتاب “مورہ نبوشیم” میں وثنیوں کے عقائد کے باب میں کیا ہے جہاں انھوں نے ستاروں کی عبادت اور زراعت کے تعلق پر بحث کی ہے، “الفلاحہ النبطیہ” میں صرف زرعی قواعد ہی بیان نہیں کیے گئے بلکہ اس سے بڑھ کر وہمی اور خرافی اعتقادات اور انباط اور ان کے پڑوسیوں کے درمیاں قائم ازمنۂ قدیم سے چلتی ہوئی روایات پر ہے۔