اخفش اوسط

الاخفش الاوسط بصرہ کے عظیم نحویوں میں سے ایک ہیں

اخفش اوسط
معلومات شخصیت
پیدائش	سنہ 755ء   بلخ
وفات	سنہ 830ء (74–75 سال)  بصرہ
عملی زندگی
استاذ	امام سیبویہ ،  خلیل بن احمد الفراہیدی
پیشہ	ماہرِ علم اللسان ،  ادیب
شعبۂ عمل	عربی ،  عربی ادب ،  قرأت

نام

ابو الحسن سعید بن مسعدۃ المجاشعی بالولاء النحوی البلخی المعروف بالا خفش الاوسط۔

علمی مقام

آپ بصرہ کے نحویوں میں سے ایک ہیں۔ اخفش اکبر، ابو الخطاب ہیں۔ نیز آپ اہل ہجر کے نحوی بھی تھے۔ اور ان کے موالی میں سے تھے۔ آپ کا نام عبد الحمید بن الحمید ہے۔ آپ اجلع تھے۔ اجلع وہ ہوتا ہے جس کے ہونٹ اس کے دانتوں پر منضم نہ ہو تے ہوں۔ اور اخفش، چھوٹی آنکھوں کے ساتھ کمزور نگاہ کو کہتے ہیں۔ آپ کو اخفش اصغر بھی کہا جاتا ہے اور جب علی بن سلیمان المعروف بالاخفش نمودار ہوئے تو آپ اخفش اوسط بن گئے۔ ابو عبید ہ اور سیبویہ وغیرہ نے آپ سے علم حاصل کیا ہے۔ اور اخفش اوسط مذکور عربی زبان کے ائمہ میں سے تھے۔ آپ نے سبیویہ سے نحو سیکھی ہے لیکن آپ اس سے بڑے تھے۔ آپ کہا کرتے تھے کہ سیبویہ نے اپنی کتاب میں جو کچھ لکھا ہے اسے مجھ پر پیش کیا ہے۔ اور آپ کا یہ بھی خیال ہے کہ وہ نحو کو مجھ سے بہتر جانتے ہیں۔ اور آج میں اسے آپ سے بہتر جانتا ہوں۔ آپ نے قرآن مجید ن کے حوالے سے تفسیر معانی القرآن لکھی۔ ابو العباس ثعلب نے بحوالہ آل سعید بن سالم بیان کیا ہے۔ ان کا بیان ہے کہ فراء سعید مذکور کے پاس آئے تو آپ انھیں کہنے لگے کہ اہل لغت اور اہل عربیت کا سردار تمھارے پاس آیا ہے تو فتراء نے کہا جب تک اخفش زندہ ہے اس وقت تک نہیں۔ اخفش نے عروض میں بحر الحبب کا اضافہ کیا ہے۔

تصنیفات

• ۔1۔ کتاب تفسیر معانی القرآن
• ۔2۔ کتاب الاوسط فی النحو
• ۔3۔ کتاب المقاسیس فی النحو
• ۔4۔ کتاب الاشتقاق
• ۔6۔ کتاب العروض
• ۔7۔ کتاب القوافی
• ۔8۔ کتاب معانی الشعر
• ۔9۔ کتاب الملوک
• ۔10۔ کتاب الاصوات
• ۔11۔ کتاب المسائل الکبیر
• ۔12۔ کتاب المسائل الصغیر

وفات

اخفش اوسط کی وفات 215ھ 830ء میں وفات ہوئی