اونتی بائی
اونتی بائی لودھی (وفات:20 مارچ 1858ء) ایک بھارتی آزادی پسند اور مدھیہ پردیش میں رام گڑھ (موجودہ ڈینڈوری) کی ملکہ تھیں۔ 1857ء کے ہندوستانی بغاوت کے دوران برطانوی ایسٹ انڈیا کمپنی کی مخالف، اس کے بارے میں معلومات بہت کم ہیں اور زیادہ تر لوک داستانوں سے آتی ہیں۔ 21ویں صدی میں، وہ لودھی کی سیاست میں ایک آئیکون کے طور پر استعمال ہوتی رہی ہیں، وہ لودھی راجپوت برادری سے آتی ہیں۔[2]
| ||||
|---|---|---|---|---|
 |
||||
| معلومات شخصیت | ||||
| پیدائش | سنہ 1831ء گرام |
|||
| تاریخ وفات | 20 مارچ 1858ء (26–27 سال)[1] | |||
| طرز وفات | خود کشی | |||
| دیگر معلومات | ||||
| پیشہ | فعالیت پسند ، سیاست دان | |||
درستی - ترمیم  | ||||
برطانوی مداخلت
ترمیماونتی بائی لودھی 16 اگست 1831ء کو مانکیہاڑی گاؤں ضلع سیونی میں لودھی راجپوت خاندان میں پیدا ہوئیں۔ ان کے والد کا نام جوجھر سنگھ تھا۔ اس کی شادی رام گڑھ (موجودہ ڈینڈوری) کے راجا لکشمن سنگھ کے بیٹے شہزادہ وکرمادتیہ سنگھ لودھی سے ہوئی تھی۔ اس کے دو بچے امن سنگھ اور شیر سنگھ تھے۔ 1851 میں راجا لکشمن سنگھ کا انتقال ہو گیا۔ راجا وکرمادتیہ رام گڑھ کا بادشاہ بنا۔ نابالغ بیٹوں کی سرپرستی کے طور پر ریاستی اقتدار ملکہ کے پاس آیا۔ ملکہ کے طور پر اس نے ریاستی امور کو موثر انداز میں چلایا۔ ملکہ نے ریاست کے کسانوں کو حکم دیا کہ انگریزوں کی ہدایات نہ مانیں، اس اصلاحی کام نے ملکہ کی مقبولیت میں اضافہ کیا۔
جب 1857ء کی بغاوت شروع ہوئی تو اونتی بائی نے 4000 کی فوج اٹھائی اور اس کی قیادت کی۔ انگریزوں کے ساتھ اس کی پہلی جنگ منڈلا کے قریب ہوئی، جہاں وہ اور اس کی فوج برطانوی افواج کو شکست دینے میں کامیاب رہی۔ تاہم، شکست سے دوچار انگریز انتقام کے ساتھ واپس آئے اور رام گڑھ پر حملہ کر دیا۔ اونتی بائی حفاظت کے لیے دیوہاری گڑھ کی پہاڑیوں پر چلی گئیں۔ برطانوی فوج نے رام گڑھ کو آگ لگا دی اور ملکہ پر حملہ کرنے کے لیے دیوہر گڑھ کا رخ کیا۔[3]
اونتی بائی نے برطانوی فوج کو روکنے کے لیے گوریلا جنگ کا سہارا لیا۔ اس نے محافظوں کی تلوار سے تلوار لے کر اپنے آپ میں چھید کر لی اور اس طرح 20 مارچ 1858ء کو جنگ میں تقریباً یقینی شکست کا سامنا کرتے ہوئے خودکشی کرلی۔
ڈاک ٹکٹ
ترمیم
بھارتی ڈاک نے اونتی بائی کے اعزاز میں 20 مارچ 1988ء اور 19 ستمبر 2001ء کو دو ڈاک ٹکٹ جاری کیے ہیں۔[4][5]
حوالہ جات
ترمیم- ↑ http://cbw.iath.virginia.edu/women_display.php?id=22172
- ↑ Charu Gupta (18 May 2007)۔ "Rajput 'Viranganas' and Reinvention of 1857"۔ Economic and Political Weekly۔ 42 (19): 1742۔ JSTOR 4419579
- ↑ Śrīkr̥shṇa Sarala (1999)۔ Indian Revolutionaries A Comprehensive Study, 1757–1961۔ 1۔ Ocean Books۔ صفحہ: 79۔ ISBN 81-87100-16-8
- ↑ 19 September 2001: A commemorative postage stamp on Rani Avantibai آرکائیو شدہ (Date missing) بذریعہ postagestamps.gov.in (Error: unknown archive URL). postagestamps.gov.in
- ↑ "Rani Avantibai 1988"۔ iStampGallery.com۔ 11 February 2016۔ اخذ شدہ بتاریخ 29 اپریل 2019