جامعہ اسلامیہ مرکز العلوم سونگڑہ
جامعہ اسلامیہ مرکز العلوم بھارتی ریاست اڈیشا کے ضلع کٹک میں واقع صوبے کا سب سے قدیم دیوبندی مکتب فکر سے تعلق رکھنے والا اسلامی تعلیمی ادارہ ہے۔
 جامعہ اسلامیہ مرکز العلوم سونگڑہ کا سائن بورڈ | |
| قسم | جامعہ اسلامیہ |
|---|---|
| قیام | 1946 |
| مہتمم | سید نقیب الامین برقی قاسمی |
| پتہ | تبلیغ نگر، ڈاک خانہ: کُود، ضلع کٹک، اڈیشا، بھارت 754221 |
| ویب سائٹ | آفیشل ویب سائٹ |
تاریخ
ترمیمجامعہ اسلامیہ مرکز العلوم سونگڑہ کی ابتدا دراصل ایک مکتب کی شکل میں ہوئی تھی، پھر 1945ء میں جب ”انجمن تبلیغ اسلام“ کا قیام عمل میں آیا، تو وہ مکتب انجمن کے زیر نگرانی آ گیا اور انجمن نے اس مکتب کو عربی مدرسے میں تبدیل کرکے اس کا نام ”مدرسہ عربیہ اسلامیہ سونگڑہ“ رکھا۔ پھر 29 دسمبر 1946ء کو محمد اسماعیل کٹکی انجمن کے مبلغ اور اس مدرسے کے صدر مدرس منتخب کیے گئے اور 7 مئی 1951ء کو انجمن کی جانب سے انھیں مستقل مہتمم مقرر کیا گیا۔[1][2][3]
1987ء میں امارت کانفرنس کے موقع پر مدرسے کے سابق مہتمم سید سراج الساجدین کٹکی قاسمی نے ”مدرسہ عربیہ اسلامیہ سونگڑہ“ سے منتقل کرکے مدرسے کا نام؛ ”مرکز العلوم مدرسہ عربیہ اسلامیہ سونگڑہ“ کر دیا، پھر انھیں کے ہی دور میں ”الجامعۃ الاسلامیۃ مرکز العلوم سونگڑہ“ نام ہوا اور اب یہ ادارہ ”جامعہ اسلامیہ مرکز العلوم سونگڑہ“ کے نام سے رجسٹرڈ ہے۔[1]
روز اول سے ہی سید حسین احمد مدنی اس مدرسے کے سرپرست رہے، پھر سید اسعد مدنی تا وفات اس کے سرپرست رہے اور موجودہ سرپرست سید ارشد مدنی ہیں۔[1]
مہتممین جامعہ
ترمیم| شمار نمبر | نام (ولادت - وفات) |
مدتِ اہتمام | |
|---|---|---|---|
| 1 | سید محمد اسماعیل کٹکی (1914–2005ء) |
1946ء | ت 1993ء |
| 2 | سید سراج الساجدین کٹکی قاسمی (1939-2006ء) |
ت 1993ء | 2006ء |
| 3 | عبد الحمید مرکزی (متوفی: 3 اپریل 2018ء؛ بہ حیثیت صدر مہتمم) |
2006ء | 2018ء |
| 4 | سید نقیب الامین برقی (پیدائش: ؟) |
2006ء | -- |
حوالہ جات
ترمیم- ^ ا ب پ میُوربھنجی، محمد روح الامین (13 جولائی 2023ء)۔ "مولانا سید محمد اسماعیل کٹکیؒ: حیات و خدمات (تجدید شدہ)"۔ hamarapayam.in۔ ہمارا پیام۔ 2023-10-20 کو اصل سے آرکائیو کیا گیا۔ اخذ شدہ بتاریخ 2023-09-18
- ↑ اسحاق، محمد قمر (1996)۔ ہندوستان کے اہم مدارس۔ نئی دہلی: انسٹی ٹیوٹ آف آبجیکٹیو اسٹڈیز۔ ج 1۔ ص 313
- ↑ کٹکی، سید عبد الحفیظ (جون 2004)۔ مجلس شوریٰ جامعہ رشدیہ ریاض العلوم سونگڑہ۔ رسول پور، سونگڑہ، ضلع کٹک: شعبہ نشر و اشاعت، جامعہ رشدیہ ریاض العلوم سونگڑہ۔ ص 11–20