حماد جمالی

شیخ حماد بن رشید الدین جمالی سندھ میں سمہ عہدِ سلطنت کے ایک معروف شاعر، عارف اور فاضل تھے۔

شیخ حماد جمالی کی تعمیر کردہ جامع مسجد مکلی، مکلی قبرستان

سیرت

ان کا نام حماد جمالی تھا، ان کے والد کا نام رشید الدین جمالی تھا، وہ شیخ جمال درویش اُچی کے دختری نواسے ہیں۔

ساموئی کے زیرین حصہ میں جہاں آج ان کا مزار واقع ہے، وہیم ان کی خانقاہ تھی، جو اُس دور میں سلوک و معرفت اور علوم ظاہری کی تعلیم کا مرکز بنی ہوئی تھی۔

ان کی عادت تھی کہ خانقاہ کے ایک حجرے میں رہتے اور چہرے پر ہمیشہ نقاب ڈالے رکھتے تھے، طالبانِ علم اور سالکان راہ طریقت درس و تدریس و فیوض باطنی کے حصول کے لیے خانقاہ میں حجرے کے گرد جمع ہو جاتے اور وہ وہاں حقائق و معارف اور معرفت و تزکیہ نفس کی تعلیم دیتے۔