"سورہ الصافات" کے نسخوں کے درمیان فرق

{{infobox surah

| classification = مکی

}}

{{قرآنیات}}

 

 

== نام ==

اس وقت [[نبی {{درود}}]] کی دعوت{{زیر}} توحید و آخرت کا جواب جس تمسخر اور استہزاء کے ساتھ دیا جا رہا تھا، اور آپ کے دعوائے [[ایمان بالرسالت|رسالت]] کو تسلیم کرنے سے جس شدت کے ساتھ انکار کیا جا رہا تھا، اس پر کفار مکہ کو نہایت پر زور طریقے سے تنبیہ کی گئی ہے اور آخر میں انہیں صاف صاف خبردار کر دیا گیا ہے کہ عنقریب یہی پیغمبر، جس کا تم مذاق اڑا رہے ہو، تمہارے دیکھتے دیکھتے تم پر غالب آجائے گا، اور تم اللہ کے لشکر کو خود اپنے گھر کے صحن میں اترا پاؤ گے (آیات نمبر 171 تا 179) یہ نوٹس اس زمانے میں دیا گیا تھا جب نبی {{درود}} کی کامیابی کے آثار دور دور تک نظر نہ آتے تھے۔ [[مسلمان]] (جن کو ان آیات میں [[اللہ]] کا لشکر کہا گیا ہے) بری طرح ظلم و ستم کا نشانہ بن رہے تھے۔ ان کی تین چوتھائی تعداد ملک چھوڑ کر نکل گئی تھی۔ نبی {{درود}} کے ساتھ بمشکل 40 سے 50 صحابہ مکے میں رہ گئے تھے اور انتہائی بے بسی کے ساتھ ہر طرح کی زیادتیاں برداشت کر رہے تھے۔ ان حالات میں ظاہر اسباب کو دیکھتے ہوئے کوئی شخص یہ باور نہ کر سکتا تھا کہ غلبہ آخر کار محمد {{درود}} اور آپ کی مٹھی بھر بے سر و سامان جماعت کو نصیب ہوگا۔ بلکہ دیکھنے والے تو یہ سمجھ رہے تھے کہ یہ تحریک مکے کی گھاٹیوں ہی میں دفن ہو کر رہ جائے گی لیکن 15، 16 سال سے زیادہ مدت نہ گذری تھی کہ [[فتح مکہ]] کے موقع پر ٹھیک وہی کچھ پیش آ گیا جس سے کفار کو خبردار کیا گیا تھا۔

 

 

جو تاریخی قصے اس سورت میں بیان کیے گئے ہیں ان میں سب سے زیادہ سبق آموز حضرت [[ابراہیم علیہ السلام]] کی حیات طیبہ کا یہ اہم واقعہ ہے کہ وہ اللہ تعالٰی{{ا}} کا ایک اشارہ پاتے ہی اپنے اکلوتے بیٹے کو قربان کرنے پر آمادہ ہو گئے تھے۔ اس میں صرف کفار [[قریش]] ہی کے لیے سبق نہ تھا جو حضرت ابراہیم علیہ السلام کے ساتھ اپنے نسبی تعلق پر فخر کرتے پھرتے تھے، بلکہ ان مسلمانوں کے لیے بھی سبق تھا جو اللہ اور اس کے رسول پر ایمان لائے تھے۔ یہ واقعہ سنا کر انہیں بتا دیا گیا کہ [[اسلام]] کی حقیقت اور اس کی اصلی روح کیا ہے اور اسے اپنا دین بنا لینے کے بعد ایک مومن صادق کو کس طرح اللہ کی رضا پر اپنا سب کچھ قربان کر دینے کے لیے تیار ہو جانا چاہیے۔

 

 

{{سورت

|[[ص]]

}}

[[زمرہ:سورتیں]]