"طبلہ" کے نسخوں کے درمیان فرق

'''طبلہ''' جنوبی ایشیا کاایک معروف آلۂ [[موسیقی]] ہے جو کہ [[کلاسیکی موسیقی|کلاسیکی]] اور [[مذہبی موسیقی|مذہبی]] موسیقی، جو کہ جنوبی ایشیائی ممالک اور ہندوستانی کلاسیکی موسیقی کا خاصہ ہے، میں استعمال کیا جاتا ہے۔ موسیقی کا یہ آلہ دو ہاتھ سے بجائے جانے والے چھوٹے ڈھولوں پر مشتمل ہوتا ہے، جو کہ مختلف جسامتوں میں [[لکڑی]] کی کئی قسموں سے تیار کیے جاتے ہیں۔ لفظ طبلہ، [[عربی زبان|عربی]] زبان سے مستعار لفظ ہے، جس کا لفظی مطلب ڈھول کے ہیں۔

اس آلۂ موسیقی کو استعمال کرنے میں انگلیوں کی پوروں اور ہتھیلیوں کا زیادہ استعمال ہوتا ہے، جبکہ صحیح طور بجانے کے لیے مختلف طریقے رائج ہیں۔ انگلیوں اور ہتھیلی کے مختلف زاویوں اور طریقہ کار سے بجانے پر مختلف آوازیں پیدا کی جا سکتی ہیں جو کہ علم موسیقی کے عین مطابق ہیں۔ ہاتھ کے بالکل زیریں حصے کو بڑے ڈھول پر دباؤ ڈالنے کے لیے استعمال کیا جاتا ہے، جس سے پیدا ہونے والی [[آواز]] کی سرعت اور باریکی کو ماپ کر سر کے عین مطابق ڈھالا جاتا ہے۔