"عوامی نیشنل پارٹی" کے نسخوں کے درمیان فرق

'''عوامی نیشنل پارٹی''' [[پاکستان]] کی ایک سیاسی جماعت ہے۔ اس جماعت کا زیادہ اثر و رسوخ [[صوبہ خیبر پختونخوا]] اور [[بلوچستان]] کے پشتون علاقوں میں ہے۔ اس کے علاوہ یہ جماعت [[صوبہ سندھ]] اور [[پنجاب]] میں بھی چھوٹے پیمانے پر اپنا اثر رکھتی ہے۔ یہ جماعت ماضی میں قائم کی گئی نیشنل عوامی پارٹی کی تبدیل شدہ شکل ہے، جو برصغیر کی مشہور خدائی خدمتگار تحریک جو برطانوی دور حکومت میں چلائی گئی تھی سے اخذ شدہ ہے۔ <br />

[[1986ء]] میں [[قومی جمہوری پارٹی]] دوسری سیاسی جماعتوں اور دھڑوں میں ضم ہوئے تو ایک نئی جماعت تشکیل دی گئی جس کا نام عوامی نیشنل پارٹی رکھا گیا۔ [[خان عبد الولی خان|عبدالولی خان]] اس جماعت کے صدر جبکہ سندھ سے تعلق رکھنے والے قوم پرست رہنما [[رسول بخش پلیجو]] جنرل سیکرٹری منتخب کیے گئے۔ اس جماعت نے [[1986ء]] سے [[1988ء]] تک چلائی گئی تحریک برائے بحالی جمہوریت میں کلیدی کردار ادا کیا۔ <br />

[[1988ء]] کے انتخابات کے بعد عوامی نیشنل پارٹی نے [[پاکستان پیپلز پارٹی]] کے ساتھ [[صوبائی]] اور [[وفاقی]] سطح پر اتحاد قائم کیا۔ یہ اتحاد [[1989ء]] میں اس وقت ختم ہو گیا جب صوبائی معاملات و مالیاتی تقسیم پر سیاسی اختلافات نے جنم لا۔ [[1990ء]] کے انتخابات کے بعد جب [[نواز شریف]] کی جماعت نے برتری حاصل کی تو عوامی نیشنل پارٹی نے [[آل انڈیا مسلم لیگ|مسلم لیگ]] کے ساتھ اتحاد قائم کیا۔ یہ اتحاد تادیر قائم رہا اور [[1998ء]] تک قائم رہا۔ [[1998ء]] میں یہ اتحاد [[کالاباغ بند|کالا باغ ڈیم]] اور [[خیبر پختونخوا]] کے نام کی تبدیلی کے موضوعات پر اختلافات کی وجہ سے جاری نہ رہ سکا۔ اس جماعت نے تب [[متحدہ جمہوری اتحاد]] میں شمولیت اختیار کر لی اور [[نواز شریف]] کی حکمرانی میں کیے جانے والی آمرانہ اقدامات کے خلاف صدائے احتجاج بلند کیا۔ [[پرویز مشرف]] نے جب فوج کی مدد سے [[نواز شریف]] کی حکومت کا خاتمہ کر دیا اور یہ جماعت تب بھی اتحاد برائے بحالی جمہوریت کی فعال رکن رہی، لیکن 11 ستمبر کے [[ریاستہائے متحدہ امریکا|امریکا]] پر ہوئے حملوں کے بعد اتحاد کی [[طالبان]] کی حمایت کی وجہ سے الگ ہو گئی۔ [[2002ء]] کے انتخابات میں اس جماعت نے [[پاکستان پیپلز پارٹی]] سے دوبارہ اتحاد قائم کیا لیکن [[صوبہ خیبر پختونخوا]] میں تب [[متحدہ مجلس عمل]] کے نام سے قائم مذہبی جماعتوں کے اتحاد کے ہاتھوں اس اتحاد کو شکست کا سامنا کرنا پڑا۔ متحدہ مجلس عمل کی کامیابی دراصل [[ریاستہائے متحدہ امریکا|امریکا]] مخالف نظریہ پر ممکن ہوئی تھی۔<br />

[[2008ء]] کے عام انتخابات میں اس جماعت نے پہلی بار کسی بھی دوسری اتحاد میں شمولیت اختیار نہ کی اور [[خیبر پختونخوا]] میں بھاری اکثریت سے کامیاب قرار پائی، اس کے علاوہ گذشتہ 15 سالوں میں پہلی [[بلوچستان]] اور جماعتی تاریخ میں صوبہ [[سندھ]] کے شہر [[کراچی]] میں پہلی بار یہ جماعت نشتیں جیتنے میں کامیاب رہی۔ عوامی نیشنل پارٹی نے انتخابات جیتنے کے بعد وفاق میں بھاری اکثریت حاصل کرنے والی [[پاکستان پیپلز پارٹی]] کے ساتھ ایک بار پھر اتحاد قائم کیا اور صوبے اور وفاق میں حکومت قائم کی۔ صوبے میں قائم اتحاد میں صرف [[پاکستان پیپلز پارٹی]] اور عوامی نیشنل پارٹی شامل رہے جبکہ وفاق میں ان دونوں جماعتوں کے علاوہ [[متحدہ قومی تحریک|متحدہ قومی موومنٹ]] اور [[جمعیت علمائے اسلام]] بھی اتحاد میں شامل ہیں۔<br />

عوامی نیشنل پارٹی سیاسی طور پر [[خیبر پختونخوا]] اور خاص طور پر پشتون علاقوں میں انتہائی مضبوط جماعت تصور کی جاتی ہے۔ اسی وجہ سے اس جماعت کو [[قوم پرست]] جماعت بھی گردانا جاتا ہے۔<br />

عوامی نیشنل پارٹی ایک لبرل پختون نظریہ کی حامل جماعت ہے جو صوبائی خود مختاری اور ثقافتی پہلوؤں پر زور دیتی ہے۔ یہ جماعت ہر بار اتحاد میں شامل رہ کر تبدیلی لانے کی خواہاں رہی ہے۔ [[2002ء]] کے انتخابات میں اس جماعت کو بھاری نقصان اٹھانا پڑا اور [[قومی اسمبلی]] مین کوئی نشست حاصل کرنے میں ناکام رہی- ان انتخابات میں کھل کر اس جماعت نے [[افغانستان]] اور [[پاکستان]] میں [[طالبان]] کی مخالفت کی اور امریکی حملے کی [[افغانستان]] پر حملے کو جائز قرار دیا۔<br />

[[9 مئی]] [[2008ء]] کو [[پاکستان]] کے [[انگریزی]] [[ڈان|اخبار ڈان]] نے سفارتی ذرائع کے توسط سے بتایا کہ جماعت کے صدر [[اسفند یار ولی خان]] نے [[امریکہ]] کا خفیہ دورہ کیا ہے اور [[امریکہ]] کی مرکزی قیادت سے رابطہ کیا۔ یہ خبر جماعت کے لیے ایک دھچکہ تھا کیونکہ پشتون قبائل میں امریکا کے خلاف پائی جانے والی نفرت ان اعتراضات کو جنم دے رہی ہے کہ عوامی نیشنل پارٹی کو ملنی والی اکثریت ہرگز [[امریکہ]] نواز پالیسیوں کے نفاذ کے لیے نہ تھی۔<br />

عوامی نیشنل پارٹی کے مخالفین اس بات کا دعویٰ کرتے ہیں کہ اس جماعت نے [[پاکستان]] مخالف اجتماع اور [[صوبہ خیبر پختونخوا]] کے اکثر شہروں میں پاکستان مخالف اشتہار تقسیم کیے۔<br />

[[زمرہ:عوامیپاکستان نیشنلمیں پارٹی1986ء کی تاسیسات]]