[[مسیحیت|مسیحی]] مبلغین اکثر [[مرقس کی انجیل]] میں مرقوم [[یسوع مسیح]] کی تعلیم کا حوالہ دیتے ہیں: "تم لوگ اپنے پڑوسی کو اپنی طرح چاہوگے"۔ یہ کئی انسانی بھلائی کی سرگرمیوں کی بنیاد اور بنیادی انسانی ہمدردی کے نقطۂ آغاز کے طور پر پیش کی جاتی ہے۔<ref>[https://www.crosswalk.com/faith/spiritual-life/7-ways-to-love-your-neighbor-as-yourself.html سات طریقے جن کی وجہ سے آپ اپنے پڑوسی کو اپنی طرح چاہ سکتے ہیں]</ref> ایک مسیحی ویب سائٹ جو گلوکل مشن مسیحی تبلیغی گروب سے تعلق رکھتی نے انسانی فطرت کا نچوڑ یوں پیش کرتی ہے کہ ہمارے لیے یہ آسان ہوتا ہے ہم کسی عالمی مقصد پر مبنی دورے یا کہیں کی مقامی ملاقاتوں کے دوران لوگوں سے الفت سے ملیں۔ کئی بار یہ آسان ہوتا ہے کہ بے گھر آدمیوں کسی زمرہ بندی کے تحت کھلا پلا دیں، مگر عجیب بات یہ ہے کہ وہی سخی شخص اپنے باغبان کو گلاس پانی دینے میں بے زارگی کا احساس کرے۔ لوگ [[کرسمس]] کے موقع پر آسانی سے ضرورت مند بچوں کو تحفے تحائف دیتے ہیں، مگر وہی لوگ کسی مقامی اسکول پروگرام میں پیسہ لگانے سے جھجکتے ہیں۔ یہ در حقیقت اس بات کی وجہ سے ہے کچھ صورت حال میں لوگوں ملاقات اتفاقی اور محض ایک بار کے لیے ہوتی ہیں، جس کی وجہ سے لوگوں میں سخاوت کا مظاہرہ کرنا آسان ہوتا ہے، جب کہ قرب و جوار کے لوگوں کی ملاقاتیں بار بار ہوا کرتی ہیں، اس لیے اس میں بخل، بے زارگی، دریا دلی کے کام کے لیے میلان میں کمی اور اسی طرح کی منفی کیفیت دیکھی جاتی ہے۔<ref>[https://glocalmission.org/glocal-mission-blog/why-loving-your-neighbor-embraces-the-heartbeat-of-missions/ کیوں پڑوسی کو چاہنا مشنوں کی دھڑکنوں کو چھوتا ہے]
</ref>
کووڈ 19 کی عالمی وبا کے دوران امداد کی ضرورت لوگوں کے اڑوس پڑوس میں رہی ہے، شہر و قصبہ، ریاست و ملک، یہاں تک کہ عالمی سطح پر رہی ہے۔ لہٰذا جس درجے کی سخاوت کی ضرورت رہی ہے، وہ بھی ہر سطح پر دکھائی دینا لازمی تھا۔ ایسے میں اگر مسلمانوں کے رویے اور ان کی مذہبی تعلیمات کی بات کی جائے تو سب سے پہلی بات لازمًا یہ دیکھنے میں آتی ہے کہ اسلام نے حقوق اللہ (اللہ کے حقوق) اور حقوق العباد (بندوں کے حقوق) کے بیچ ایک واضح حد فاصل قائم کیا ہے۔<ref>[https://darulifta-deoband.com/home/ur/others/159816 حقوق العباد اور حقوق العباد كے بارے میں]</ref> مذہبی تعلیم کی رو سے حقوق اللہ میں سوائے شرک کے اللہ ہر قسم کے گناہ کو خود معاف کر سکتا ہے، جب کہ حقوق العباد کی معافی اگر کسی بندوں کو مل سکتی ہے تو وہ صرف متعلقہ بندے سے چاہ سکتا ہے۔<ref>[http://algazali.org/index.php?threads/20054/ سورۃ البقرہ مفتی تقی عثمانی تفسیر آسان قرآن]</ref> یہ حقوق ایک شخص کے اپنے ماں باپ، اپنی بیوی یا شوہر، بھائی بہن، پڑوسی، ملاقاتی یہاں تک عام غریب لوگوں سے تعلق رکھتے ہیں۔ مزید یہ کہ اسلام نے پڑوسیوں کا دائرہ کافی وسیع کیا ہے، [[حدیث]] میں یہ کہا کہ ایک شخص کے گھر سے چالیس گھر تک اس کے پڑوسی ہیں۔<ref>[http://www.salahadeenmosque.org.uk/rights-of-the-neighbour-in-islam/ اسلام میں پڑوسیوں کے حقوق]</ref> غیر مسلم پڑوسیوں سے بھی ہمدردی سے پیش آنے کا بھی اسلام میں حکم موجود ہے۔<ref>
[https://aboutislam.net/reading-islam/living-islam/10-tips-to-approach-your-non-muslim-neighbor/ دس طریقے جن سے آپ اپنے غیر مسلم پڑوسیوں تک پہنچ سکتے ہیں]
</ref> جس طرح سے اوپر کے واقعات درج ہیں کہ کس طرح دیگر مذاہب کے متوفی افراد اور اہل خانہ کی مدد کی، اس عمل یہ دیکھا جا سکتا ہے کہ مرور زمانہ میں اگر چیکہ مسلمان سختی سے اسلام پر عمل پیرا نہ بھی ہوں، تاہم ان کے ایک معتد بہ حصے نے مقدور بھر ہمدردی اور غم گساری کی کوشش کی۔ اس میں وہ چند معروف واقعات یہاں درج کیے جا چکے ہیں، جب کہ کئی واقعات جو خبر یا سرخیوں میں آنے سے رہے، یہاں درج نہیں ہو پائے۔ اسلام میں زکٰوۃ اور صدقات کی بہت اہمیت ہے<ref>[https://archive.siasat.com/news/importance-types-and-benefits-sadaqah-part-1-1381385/ صدقات کی اقسام اور فوائد]</ref>، جس کی مثالیں مضمون میں درج کر دی گئی ہیں۔ خود ماضی میں ایک غریب خاندان سے آنے والے ناگپور کے شہری، جن کا مضمون میں ذکر موجود ہے، مشکل سے ایک ہفتے کے عرصے میں 45 لاکھ روپے خرچ کیے تاکہ 400 میٹرک ٹن سیال آکسیجن ناگپور شہر اور اس کے اطراف و اکناف کے سرکاری ہسپتالوں میں پہنچے۔ حالاں کہ انتظامیہ نے پیارے خان کو یہ تیقن دیا کہ ان کے جملہ اخراجات جلد ادا ہوں گے، تاہم انہوں نے کچھ بھی مال و دولت لینے سے انکار کر دیا۔ انہوں نے اس خرچ اپنے سالانہ فریضۂ زکٰوۃ کی ادائیگی سے جوڑ دیا اور مالی مطالبے سے دستبرداری اختیار کی۔ اسی طرح کی ایک مثال جو مضمون میں درج ہے وہ ایچل کرنجی کے چھوٹے سے علاقے سے تعلق رکھتی ہے، مسلمانوں نے زکٰوۃ کے طور پر 36 لاکھ روپے کا عطیہ جمع کر کے مقامی اندرا گاندھی میموریل ہسپتال کے حوالے کیا تاکہ اس ہسپتال میں ہنگامی حالات سے نمٹنے کے لیے انٹینسیو کیئر یونٹ قائم ہو۔ یہ وہ اقدام تھا جس کے لیے مہاراشٹر کے وزیر اعلٰی ادھو ٹھاکرے کی جانب سے زبر دست داد تحسین دی جا چکی ہے۔ [[سنن ترمذی]] میں یہ بھی ایک حدیث مرکوز ہے جس کا مفہوم ہے کہ قیامت کے دن ایک مومن کا سایہ اس کا صدقہ ہے۔ اسی طرح کی کئی تعلیمات قرآن میں وارد ہیں۔<ref>[https://www.islamic-relief.org.uk/islamic-resources/charity-in-islam/ اسلام میں صدقہ]</ref> غیر معمولی خیر خیرات کا جذبہ جو عظیم پریم جی اور یوسف خواجہ حمید کے بے مثال عطایا ، لکھنؤ کی واحد بریانی کے مالکین کا ویجی ٹیرین بریانی نقل مقام مزدوروں کو مفت فراہم کرنے کا جذبہ، اپنی قیمتی کار کو فروخت کر کے آکسیجن فراہم کرنے والے ممبئی کے ایک شخص، اپنے آٹو کو مفت ایمبولنس میں والے آٹو ڈرائیور، اور سب قسم کی کئی مثالیں اس مضمون میں درج ہے، اس بات کا اشارہ کرتے ہیں کہ کہیں نہ کہیں اسلام نے خدمت خلق کا جذبہ آج کے اس مذہب ہیزاری اور دہریت پسندی کے دور میں اپنے پیرو کاروں کے دل میں ڈالنے میں کامیاب رہا۔ نیز قوم پرستی اور حب الوطنی کی سب سے واضح علامت تو یہی ہو سکتی ہے کہ اہل وطن عند الضرورت ہم وطنوں کی مدد میں پیش پیش رہے۔ اس بارے کئی مثالیں مضمون میں درج ہے مسلمانوں نے بغیر کسی مذہبی دیوار کا خیال کیے حسب حیثیت پریشان حال لوگوں کی مدد کی ہے، انفرادی بھی اور تنظیمی سطح پر بھی۔ مصیبت کے وقت مسلم ممالک کا بھی جوشیلے انداز میں بھارت کی مدد کے لیے آگے آنا یہ دکھاتا ہے کہ انسانیت اور انسانی ہمدردی کا جذبہ صرف ملکی مسلمانوں تک محدود نہیں ہلکہ غیر ملکی مسلمان حکومتیں بھی مدد کے اپنے جذبے کے ساتھ آگے آ چکے ہیں۔ حکومتوں کے علاوہ کئی مسلمان اپنے طور بھارت کے عام لوگوں کے بلا لحاظ مذہب فکر مند رہے ہیں اور انہوں نے اپنی حکومت سے مدد کی بھی در خواست کی ہے، جس کے لیے ٹویٹر اور فیس بک جیسے سماجی میڈیا کا سہارا لیا گیا۔
