"ابو موسیٰ اشعری" کے نسخوں کے درمیان فرق

قرآن نہایت خوش الحانی سے پڑھتے تھے،یہ اس قدر خوش گلو اورشیریں آواز تھے کہ آنحضرت ﷺ فرماتے تھے کہ:

"ان کو لحن واؤدی سے حصہ ملا ہے"

ایک مرتبہ مسجد نبوی ﷺ میں بلند آواز سے عشاء کی نماز پڑھ رہے تھے، آواز سن کر ازواج مطہرات اپنے اپنے حجروں میں پردوں کے پاس آکر کھڑی ہوکر سننے لگیں،صبح کو جب ان کو اطلاع ہوئی تو کہا اگر مجھ کو اس وقت معلوم ہوجاتا تو میں ان کو قرآن کا اس سے بھی زیادہ مشتاق بنادیتا۔

ابو عثمان نہدی بیان کرتے تھے کہ ابوموسیٰ ؓ ہمارے ساتھ نماز پڑھتے تھے، ان کی آواز اتنی سریلی اوردلکش ہوتی تھی کہ جنگ وبربط میں بھی وہ دلکش نہیں۔

کبھی کبھی حضرت عمرؓ فرمائش کرتے کہ ابوموسیٰ ؓ خدا کی یاد دلاؤ، یہ قرآن پڑھ کر سناتے ،ایک مرتبہ حضرت ابوموسیٰ ؓ نے انس بن مالک ؓ کو حضرت عمرؓ کے پاس بھیجا، انہوں نے پوچھا، ابوموسیٰ ؓ کا کیا حال ہے،کہا لوگوں کو قرآن پڑھاتے ہیں،فرمایا وہ بلند مرتبہ آدمی ہیں،مگر اس کو ان کے سامنے نہ کہنا۔

ان کی غیر معمولی قرأت دانی کی وجہ سے آنحضرت ﷺ نے مشہور عالمِ قرآن حضرت معاذ بن جبل ؓ کے ساتھ ان کو بھی نو مسلموں کی تعلیم قرآن کے لیے یمن بھیجا تھا۔

</big>

 

== حدیث ==

<ref>(تہذیب الکمال)</ref>

ان میں سے اکثر روایات خود صاحبِ حدیث کی زبان مبارک سے سنی ہوئی ہیں، ان کے بعد پھر حضرت ابوبکر ؓ ،حضرت عمرؓ، حضرت علی ؓ، ابن عباس ؓ، ابی بن کعب ؓ، عمار بن یاسر ؓ، معاذ بن جبل ؓ سے روایتیں کی ہیں، تلامذہ کی تعداد بھی کافی ہے، مختصر فہرست یہ ہے۔

<ref>(بخاری کتاب الفرائض باب میرث اتبہ ابن مع انبتہ)</ref></big>

 

== اخلاق وعادات ==

<big>خشیت الہی اوررقتِ قلب مذہب کی روح ہے، حضرت ابوموسیٰ ؓ میں یہ دونوں وصف موجود تھے، خود بھی روتے اوردوسروں کو بھی رلا تے،بصرہ کے قیام کے زمانہ میں ایک مرتبہ خطبہ دیاکہ:

 

== اتباعِ سنت ==

<big>ابوموسیٰ ؓ کی پوری زندگی حیات نبوی ﷺ کا آئینہ تھی، وہ کوشش کرتے تھے کہ ان کی نقل وحرکت ،قول وفعل ؛بلکہ ہرہر ادا ذاتِ نبوی ﷺ کا نمونہ بن جائے، ایک موقع پر انہوں نے اپنی حرص کا ان الفاظ میں ذکر کیا ہے:

رمضان کے روزوں کے علاوہ نوافل کے روزے محض اس لیے رکھتے تھے کہ آنحضرت ﷺ رکھا کرتے تھے،عاشورہ کا روزہ آنحضرت ﷺ برابر رکھا کرتے تھے،یہ لوگوں کو ہدایت کرتے کہ عاشورہ کا روزہ رکھو۔

<ref>(بخاری کتاب الاضاحی باب من ذبح ذبیحتہ)</ref>

<ref>(بخاری کتاب الاستیذان باب التسلیم والا ستیذان ثلثا)</ref>

یہی پاس ولحاظ زندگی کے آخری لمحہ تک رہا۔

<ref>(مسلم کتاب الایمان تحریم ضرب الخدودوشق اجیوب)</ref>

موت سے پہلے کفن ودفن وغیرہ کی وصیتوں کے ساتھ ساتھ یہ بھی وصیت کی کہ کوئی میری موت پر نوحہ اوربین نہ کرے،جیب اورگریبان چاک نہ کرے،سر کو نہ نوچے، ان سب سے میں بری ہوں۔

 

== تقویٰ ==

<big>ابوموسیٰ ؓ کا دامنِ عفاف کبھی معصیت کی آلودگیوں سے داغدار نہ ہوا، وہ اس درجہ محتاط تھے کہ غیر عورتوں کی ہواتک لگنا گوارانہ کرتے تھے،کہا کرتے تھے کہ عورتوں کی لپٹ سے مجھو کو سڑے ہوئے مردار کی عفونت زیادہ خوش آیندہے۔

طہارت اورصفائی کے خیال سے ہمیشہ شیشی میں پیشاب کرتے تھے کہ کوئی چھینٹ نہ پڑنے پائے،دوسرے صحابہ ؓ اس غیر ضروری شدت کو محسوس کرتے اوراس کا اظہار بھی کردیتے تھے،حذیفہ ؓ نے لوگوں سے کہا کہ کاش تمہارے ساتھی اتنا تشدد نہ کرتے۔

<ref>(مسلم کتاب الطہارت باب المسیح علی الخفین)</ref></big>

== توکل ==

<big>خدا کی ذات پر پورا اعتماد اورقضاء قدرپرپورا یقین تھا،چنانچہ وبائی مقامات سے الگ نہ ہوتے تھے ایک مرتبہ طاعون کی وبا پھیلی ،ابوبردہ ؓ نے کہا یہاں سے ہٹ کر وابق چلے چلئے کہا میں خدا کے پاس جاؤں گا،وابق نہ جاؤں گا۔

 

== شرم وحیا ==

 

== سادگی ==

<big>حضرت ابوموسیٰ اشعری ؓ کی زندگی کے مختلف دور تھے، ابتدائی دور نہایت عسرت کا تھا،مگر جیسے جیسے اسلام کر فروغ ہوتا گیا،ان کی عسرت میں کمی آتی گئی،متعدد مہمیں ان کی ماتحتی میں سرہوئیں، برسوں تک مختلف صوبوں کے حاکم رہے،لیکن ان دونوں حالتوں میں ان کی ظاہری زندگی میں کوئی فرق نہ آیا، نہ مال و دولت جمع کیا ،نہ نخوت ورعونت پیدا ہوئی،گورنری کے بعد ایک مرتبہ مشہور آدمی،حضرت ابوذر غفاری ؓ سے ملاقات ہوئی، ابوذر ؓ فقیر منش آدمی تھے دنیا سے ان کو کوئی تعلق نہ تھا،حضرت ابوموسیٰ ؓ بھائی بھائی کہتے ہوئے دوڑ کر لپٹ گئے؛ لیکن ابوذر ؓ بار بار یہ کہہ کر ہٹاتے تھے،اب تم میرے بھائی نہیں ہو اس منصب سے پہلے بھائی تھے، دوبارہ جب پھر ملاقات ہوئی تو پہلے کی طرح لپکے،انہوں نے کہا ابھی ہٹے رہو پہلے میرے سوالات کے جوابات دے دو، پھر پوچھا تم نے لوگوں پر حکومت کی ہے؟ ابوموسیٰ ؓ نے کہا ہاں، کہا عمارتیں تو نہیں بنوائیں،زراعت تو نہیں کی، جانور تو نہیں پالے؟ انہوں نے سب کی نفی کی تو پھران سے دل کھول کر ملے۔

<ref>(مسلم کتاب الجہادوالسیرباب غزوۂ ذات الرقاع)</ref></big>

 

<big>امتِ مسلمہ کی خیر خواہی اوراس کا مفاد ہر وقت پیش نظر رہتا تھا،اس کے مقابلہ وہ بڑی سے بڑی منفعت کو ٹھکرادیتے تھے، جب حضرت علی ؓ اورامیر معاویہ ؓ کے درمیان کشمکش شروع ہوئی تو امیر معاویہ ؓ نے ان کے پاس لکھ بھیجا کہ عمروبن العاص ؓ نے میر بیعت کرلی ہے،اگر تم بھی بیعت کرلوتو میں حلفیہ وعدہ کرتا ہوں کہ تمہارے ایک لڑکے کو بصرہ اوردوسرے کو کوفہ کی امارت پر سرفراز کروں گا اورتمہاری ضروریات کے لیے میرا دروازہ ہر وقت کھلا رہے گا، میں اپنے خاص قلم سے یہ خط لکھ رہا ہوں، امید ہے کہ تم بھی اپنے دست وقلم سے اس کا جواب دو گے، اس خط کو پڑھ کر انہوں نے یہ جواب لکھا:

"تم نے امت محمدی ﷺ کے بہت اہم اورنازک معاملہ کی بابت لکھا ہے، جو چیز تم نے میرے سامنے پیش کی ہے، اس کی مجھ کوحاجت نہیں ہے۔

جنگ جمل اورجنگِ صفین دونوں میں غیر جانبدار رہے اور دوسروں کو بھی اس کی شرکت سے روکتے تھے، جب حضرت علی ؓ نے عمار بن یاسر ؓ کو کوفہ بھیجا کہ وہ کوفہ والوں کو حضرت علی ؓ کے ساتھ جنگ کی شرکت پر آمادہ کریں، تو ابوموسیٰ ؓ اورابومسعود ؓ نے ان سے جاکر کہا کہ: "جب سے تم اسلام لائے ہو آج تک ہمارے نزدیک اس جنگ کی شرکت سے زیادہ تم نے کوئی ناپسندیدہ کام نہیں کیا"۔

<ref>(بخاری کتاب الفتن باب الفتنۃ ماتی تموج کموج البحر)</ref>

ان کے بھائی ابورہم بہت ہنگامہ پسند تھے اورشورشوں اورہنگاموں میں نہایت ذوق و شوق سے شریک ہوتے تھے اورابوموسیٰ ؓ فتنہ وفساد سے سخت متنفر تھے، وہ ان کو برابر سمجھا تے تھے کہ آنحضرت ﷺ نے فرمایا ہے جب دو مسلمان ایک دوسرے کے خلاف تلوار اٹھائیں گے اورایک دوسرے کو قتل کریں گے تو دونوں جہنم میں جائیں گے۔

ان کی اس بے لوثی اورغیر جانبداری کی بنا پر جنگِ صفین میں حضرت علی ؓ نے ان کو ثالث مقرر کیا،اس وقت رفعِ فساد کے خیال سے ان کو مجبوراً گوشہ عزلت سے نکلنا پڑا اور نہایت نیک نیتی سے مصالح امت کا خیال رکھتے ہوئے حضرت علی ؓ اورمعاویہ ؓ دونوں کو معزول کرکے کسی تیسرے کو خلیفہ منتخب کرنے کا مشورہ دیا،مگر افسوس ہے کہ عمر بن العاص ؓ کی چالاکی نے نیک نیتی کے مشورہ کا بیکارکردیا۔

<ref>(مسلم کتاب الحج باب فی نسخ التحمل من الاحرام ولامرباتمام)</ref></big>

 

== مخصوص فضائل ==

<ref>(بخاری کتاب المغازی باب غزوۂ اوطاس)</ref></big>