دی وائٹ ٹائگر (اڈیگا ناول)

دی وائٹ ٹائیگر ہندوستانی مصنف اروند اڈیگا کا ایک ناول ہے۔ یہ 2008 میں شائع ہوا اور اسی سال 40 واں مین بکر پرائز سے اس کو نواز گیا یہ ناول جہان عالمگیرت میں ہندوستان کی طبقاتی جدوجہد کا ایک تاریک مزاحیہ تناظر پیش کرتا ہے۔ ناول کا مرکزی کردار گاؤں کا ایک لڑکا بلرام حلوائی ہے وہ د ہلی آکر ایک امیر زمیندار کے یہاں ڈرائیور کے طور پر کام کرتا ہے۔ اپنے مالک کو مار کر اور اس کے مال و دولت کو لوٹ کر وہ بنگلور بھاگ جاتا ہے۔ ہندو مذہب، ذات پات کا نظام، بدعنوانی، وفاداری اور ہندوستان کی غربت اس کتاب کے موضوعات ہیں۔، ناول ہندو مذہب، ذات پات، کے مسائل کا جائزہ لیتا ہے۔ بالآخر بلرام اپنی ذات حلوائی سے ماورا ہوکر اپنی ٹیکسی سروس قائم کرتے ہوئے ایک کامیاب کاروباری بن جاتا ہے۔ غربت اور پسماندگی پر فخر کرنے والے بھارت دیش میں وہ روشن مستقبل کا ایک استعارہ ہے۔ اس ناول کو بڑی شہرت و عزت ملی اور اس کے ناول نویس آج ایک کامیاب و معروف ادیب ہیں۔

دی وائٹ ٹائگر (اڈیگا ناول)
(انگریزی میں: The White Tiger)
مصنف	اروند اڈیگا
اصل زبان	انگریزی
تاریخ اشاعت	2008
اعزازات
مین بکر پرائز (2008)