شیونیری
شیونیری قلعہ سترہویں صدی عیسوی کا ایک فوجی قلعہ ہے جو صوبہ مہاراشٹر کے ضلع پونہ کے مشہور مقام جُنّر کے قریب واقع ہے۔ اس قلعہ کی تاریخی اہمیت یہ ہے کہ یہاں مرہٹہ سلطنت کے بانی چھترپتی شیواجی کی پیدائش ہوئی تھی۔[1]
| شیونیری | |
|---|---|
| شیونیری قلعہ | |
| جنر، ضلع پونہ، مہاراشٹر | |
 | |
  شیونیری  شیونیری مہاراشٹر میں شیونیری کا محل وقوع | |
| متناسقات | 19°11′56″N 73°51′34″E / 19.1990°N 73.8595°E |
| قسم | یادگار عمارت |
| مقام کی معلومات | |
| عوام کے لیے داخلہ | ہاں |
تاریخ
ترمیمشیونیری پہلی صدی عیسوی سے ایک بودھ مقام کے طور پر معروف رہا ہے۔ یہاں کے غار، چٹانوں کو تراش کر بنائی جانے والی عمارتیں اور پانی کا بہترین نظام اس بات کا اشارہ کرتے ہیں کہ یہ مقام پہلی صدی عیسوی ہی سے آباد رہا ہے۔ جب یہ قلعہ دیوگیری کے یادو کے زیر تسلط تھا اس وقت اس کا نام شیونیری پڑا۔ اس قلعہ کا استعمال عموماً دیش سے ساحلی شہر کلیان کو جانے والی تجارتی گزرگاہ کی حفاظت کے لیے ہوتا تھا۔ پندرہویں صدی عیسوی میں جب سلطنت دہلی میں ضعف کے آثار نمایاں ہوئے تو یہ قلعہ بہمنی سلطنت کے قبضے میں چلا گیا اور بعد ازاں سولہویں صدی عیسوی میں سلطنت احمد نگر کی تحویل میں آیا۔
سنہ 1595ء میں مرہٹہ سردار اور چھترپتی شیواجی بھونسلے کے دادا مالوجی بھونسلے کو سلطان احمد نگر بہادر نظام شاہ دوم کی جانب سے شیونیری اور چاکن کی جاگیریں عنایت کی گئیں تو وہ اپنے اہل خانہ کے ساتھ اسی قلعے میں آبسے۔ 19 فروری 1630ء کو اور کچھ مورخین کے مطابق 1627ء کو اس قلعے میں شیواجی پیدا ہوئے اور اپنا بچپن یہیں گزارا۔ قلعہ میں شیوائی دیوی کے نام سے ایک چھوٹا سا مندر ہے جس کا نام بعد میں شیواجی کے نام پر رکھا گیا۔
سنہ 1673ء میں انگریز سیاح فریز کا یہاں سے گذر ہوا تو اس نے قلعہ کو ناقابل تسخیر پایا۔ فریز کے مطابق اس قلعہ میں سات برسوں کے لیے ہزاروں خاندانوں کا غلہ محفوظ رکھا جاتا تھا۔ نیز فریز نے یہ بھی لکھا کہ اس قلعہ کا انتظام ایک برہمن کے ہاتھ میں ہے جو مسلمان ہو گیا ہے۔ یہ قلعہ مغلوں کے زیر تسلط رہا پھر سنہ 1762ء میں مرہٹوں نے اسے دوبارہ حاصل کر لیا۔ تیسری اینگلو مرہٹہ جنگ میں مرہٹوں کی شکست اور مرہٹہ سلطنت کے سقوط کے بعد سنہ 1820ء میں یہ قلعہ برطانوی راج کا حصہ بن گیا۔
حوالہ جات
ترمیم- ↑ Milind Gunaji (2003)۔ Offbeat tracks in Maharashtra۔ Popular Prakashan۔ صفحہ: 69۔ ISBN 81-7154-669-2۔ 25 دسمبر 2018 میں اصل سے آرکائیو شدہ۔ اخذ شدہ بتاریخ March 13, 2010
مزید پڑھیے
ترمیم- Lahu Gaikwad Shivneri kilyacha Itihas Pub. Pushpnand prakashan pune 2011. آئی ایس بی این 978-81-907033-8-3. Book in Marathi language.
- Lahu Gaikwad, Junnar Talukyatil Kilyancha Ithis, Pushpnand prakashan Pune 11 March 2011.آئی ایس بی این 978-81-907033-9-0.
- Dr. Lahu Kacharu Shivnerichi Jeevangatha, The life-story of fort shivneri, Sanay prakashan, Narayngaon, Jan 2015. p. 225.
بیرونی روابط
ترمیم| ویکی ذخائر پر شیونیری سے متعلق سمعی و بصری مواد ملاحظہ کریں۔ |
- Junnar Tourism's Official Websiteآرکائیو شدہ (Date missing) بذریعہ junnartourism.com (Error: unknown archive URL)
- Parashar Agritourism Website
- Shivneri Fort info Website