ضیاء الدین ٹھٹوی
مخدوم ضیاء الدین ٹھٹوی (پیدائش:1091ھ بمطابق 1680ء - وفات:1171ھ) سندھ کے مشہور علمی شہر ٹھٹہ سے تعلق رکھنے والے اٹھارویں صدی کے عظیم محدث، فقیہ اور عالم اسلام کے مشہور محدث اور فقیہ مخدوم محمد ہاشم ٹھٹوی کے استاد تھے۔
| مخدوم ضیاء الدین ٹھٹوی | |
|---|---|
| معروفیت | محدث، فقیہ |
| پیدائش | 1091ھ بمطابق 1680ء ٹھٹہ، سندھ (موجودہ پاکستان) |
| وفات | 1171ھ بمطابق 1758ء ٹھٹہ، سندھ (مدفون مکلی قبرستان) |
| نسل | سندھی |
| عہد | مغل دور |
| شعبۂ زندگی | سندھ |
| مذہب | اسلام |
| فقہ | حنفی |
| شعبۂ عمل | فقہ، حدیث |
متاثر | |
حالات زندگی ترمیم
مخدوم ضیاء الدین ٹھٹوی 1091ھ بمطابق 1680ء کو ٹھٹہ، سندھ (موجودہ پاکستان) میں پیدا ہوئے[1]۔ ان کے والد کا نام ابراہیم اور دادا کا نام ہارون تھا۔ ٹھٹہ کے مشہور عالم مخدوم رحمت اللہ ٹھٹوی (متوفی 1114ھ بمطابق 1702ء) سے تعلیم حاصل کی۔ مخدوم ضیاء الدین نہایت سادہ زندگی بسر کرتے تھے۔ انھوں نے بہت سے لوگوں کو علمی و روحانی فیض پہنچایا جن میں مخدوم محمد ہاشم ٹھٹوی جیسی فقید المثال شخصیت سرِ فہرست تھیں۔[2]
وفات ترمیم
مخدوم ضیاء الدین ٹھٹوی 1171ھ بمطابق 1758ء کو اسی (80) سال کی عمر میں ٹھٹہ، سندھ میں انتقال کر گئے۔ وہ ٹھٹہ کے مشہور مکلی قبرستان میں آسودۂ خاک ہیں۔[1][2]