عبد الرشید ٹھٹوی

سید عبد الرشید بن عبد الغفور حسینی مدنی ٹھٹوی سترہویں صدی عیسوی کے عہدِ شاہجہاں اور عہدِ عالمگیری میں ٹھٹہ سے تعلق رکھنے والے فارسی و عربی علوم کے عالم، فارسی زبان کے شاعر اور ماہر لغت تھے جو اپنی تالیف فرہنگ رشیدی اور منتخب اللغات کی وجہ سے خاص شہرت رکھتے تھے۔

سید عبد الرشید بن عبد الغفور حسینی ٹھٹوی
پیدائش	سترہویں صدی عیسوی ٹھٹہ، سندھ
قلمی نام	عبد الرشید ٹھٹوی
پیشہ	ماہرِ لغت، فارسی و عربی علوم کے عالم
زبان	فارسی، عربی
قومیت	پاکستانی
نسل	سندھی
اصناف	علم لغت
نمایاں کام	فرہنگ رشیدی رسالہ معرباتِ رشیدی متخب اللغات

حالات زندگی

عبد الرشید ٹھٹوی اپنے وقت کے علامہ اور اور جملہ علوم کے ماہر تھے۔ انھوں نے مغل شہنشاہ شاہجہاں کے نام منسوب ایک عربی لغت منتخب اللغات لکھی، جو پورے ہندوستان میں مشہور ہے۔ انھوں نے فارسی لغت کی کتاب بھی تالیف کی جو فرہنگ رشیدی کے نام سے مشہور ہے۔ علم مناظرہ میں ان کا رسالہ عربی زبان کے نصاب میں شامل ہے۔

عبد الرشید ٹھٹوی ایک اعلیٰ پائے کے شاعر تھے۔ انھوں نے ایک طویل قصیدے میں اپنی علمیت کی طرف اشارہ کیا ہے، جس کے کچھ اشعار یہ ہیں:

غزل

شہر یاری فضلم و شہری معانی جائے من		می رود در کشور دانش کنوں غوغائے من
ہم قلم دارم بدست ہم علم دارم بدوش		کرد فتح ملک معنیٰ خاطرم دانائے من
در تفاسیر سور کشاف سیر مشکم		منزل است این آیت اندر شان استیفائے من
در معانی و بنان مفتاح گنج داشتم		نیست درفن بلاغت ہیچ کس ہمتائے من
در طریق نحویاں مصباح راہ ظلمتم		در سبیل صرفیاں وافی است استیفائے من
در اصول ہندسہ تحریر اشکال از من است		در طریق منطقی تام است استقرائے من
از طبیعی و از الہٰی بہرہ دارم تمام		نیست محتاج براہین سورہ دعوائے من
شیوہ سحر حلال از شعر من دارد رواج		شمع جمع شاعراں باشد یدبیضائے من

عبد الرشید ٹھٹوی اورنگ زیب عالمگیر کے زمانے میں ٹھٹہ سے دہلی پہنچے اور وہاں بڑا مرتبہ حاصل کیا۔ بارہویں صدی ہجری میں ان کی وفات ہو گئی۔ پیچھے کوئی اولاد نہیں چھوڑی۔ ان کے بھائی سید عبد الرؤف بھی بڑے عالم تھے۔

تالیفات

• فرہنگ رشیدی
• رسالہ معرباتِ رشیدی
• متخب اللغات