عدالتی فیصلے
عدالتی فیصلے پاکستانی دیوبندی عالم محمد تقی عثمانی کی ایک کتاب۔ یہ کتاب دراصل شریعت اپیلیٹ ٹینچ سپریم کورٹ آف پاکستان کے ان عدالتی فیصلوں پر مبنی ہے ، جو مفتی تقی عثمانی نے بحیثیت جج صادر فرمائے ۔ ان فیصلوں نے مملکت خداداد پاکستان میں اسلامی قوانین کے نفاذ میں اہم کردار ادا کیا ہے ۔ ان کی اہمیت کے پیش نظر انھیں کتابی صورت میں پیش کیا گیا ۔ کتاب دو جلدوں پر مشتمل ہے ۔ جلد اول کے ٣٦٠ اور دوم کے ٢٩٩ صفحات ہیں ۔ جلد اول میں رجم ، قصاص و دیت ، تصویر ، شفعہ ، قانون معاہدہ ، ریٹائر منٹ سرکاری ملازمین ، زکوۃ ، عشر اور سرحد کرایہ داری ایکٹ اور جلد دوم میں ملکیت زمین ، بینوولنٹ فنڈ ، گروپ انشورنس ، غاصبانہ قبضہ اور حق ملکیت ، لاٹری کی حرمت ، زمین کی تقسیم پر پابندی اور اراضی شاملات کی شرعی حیثیت سے متعلق فیصلے بیان کیے ہیں ۔ کتاب ادارہ اسلامیات لاہور کی طرف سے دوسری مرتبہ ١٤٢٠ھ میں شائع ہوئی ہے ۔[1]
| مصنف | محمد تقی عثمانی |
|---|---|
| ملک | پاکستان |
| زبان | اردو |
| موضوع | عدالت عظمیٰ پاکستان |
مزید دیکھیے
ترمیمحوالہ جات
ترمیم- ↑ ظل ھما (جنوری۔ جون ٢٠١٩)۔ "مفتی محمد تقی عثمانی کی معروف تصانیف و تالیفات کا تعارفی جائزہ"۔ راحت القلوب۔ ٣ (١): ٢١٥۔ 28 جنوری 2021 میں اصل سے آرکائیو شدہ۔ اخذ شدہ بتاریخ ٢٤ جنوری ٢٠٢٢