فوائد الشائقین (اخبار)
دہلی سے 1847ء میں شائع ہونے والا اردو اخبار
فوائد الشائقین برطانوی راج میں دہلی سے شائع ہونے والا اردو زبان کا ایک ہفتہ وار اخبار تھا۔ یہ اخبار 1847ءکو پربھو دیال کی ادارت میں مطبع دہلی اردو اخبار سے جاری ہوتا تھا۔ یہ دراصل گورنمنٹ گزٹ کا اردو ایڈیشن تھا جس میں گزٹ کے ترجمے کے علاوہ منصفی کے امتحان کے طلبہ کے لیے سوالات و جوابات بھی شائع کیے جاتے تھے۔[1] اس کا ماہانہ چندہ چار آنے اور اور سالانہ تین روپے تھا۔ یہ اخبار چار صفحات پر مشتمل تھا۔[2]
| قسم | ہفت روزہ |
|---|---|
| ناشر | مطبع دہلی اردو اخبار |
| مدیر | پربھو دیال |
| آغاز | 1847ء |
| زبان | اردو |
| اختتام | 1850ء |
| صدر دفتر | دہلی، برطانوی ہندوستان |
| تعداد اشاعت | 110 |
اس اخبار کی اپنے اجرا کے پہلے ہی سال اشاعت 110 کاپیوں تک پہنچ گئی تھی جو اس وقت کے حساب سے بہت اچھی تعداد تھی۔ لیکن باوجود اس کثرت اشاعت کے یہ اخبار زیادہ عرصے تک جاری نہیں رہ سکا اور بالآخر 1850ء میں ہمیشہ کے لیے بند ہو گیا۔[3]