لاؤزی

لاؤزی، لاؤزے یا لاؤتزو ایک چینی مفکر تھا جس کو تاؤ مت کا بانی قرار دیا جاتا ہے۔ اس کی پیدائش سے متعلق روایات ابہام کا شکار ہیں تاہم قیاس ہے کہ وہ چھٹی صدی قبل مسیح میں ایک غریب چینی گھرانے میں پیدا ہوا۔ روایت کے مطابق کم سنی میں اس نے شاہی کتب خانے کے محافظ کی حیثیت سے ملازمت اختیار کی۔ یہاں اسے مطالعہ کتب کا بہترین موقع ملا۔ اس نے جب اپنی تعلیمات کو لوگوں میں پھیلانا شروع کیا اور ان کی تبلیغ شرع کی تو لوگ اسے لاؤزے کے نام سے پکارنے لگے جس کے معنی بوڑھے فلسفی کے ہیں۔

لاؤزی 老子
(چینی میں: 老子)
معلومات شخصیت
پیدائش	604 ق م، زو خاندان چو
وفات	زو خاندان عوامی جمہوریہ چین
شہریت	ژؤ سلطنت
عملی زندگی
پیشہ	فلسفی ،  محافظ دستاویزات ،  مصنف
پیشہ ورانہ زبان	چینی زبان
شعبۂ عمل	فلسفہ
کارہائے نمایاں	راستہ اور اور اس کی طاقت
تحریک	تاؤ مت
	IMDB پر صفحات

وہ اس بات پر بہت دکھی اور مایوس ہوا کہ انسان فطری نیکی کی راہ پر چلنے کو تیار نہیں تھے۔ تب اس 5،000 حروف میں تاؤ تی چنگ مرتب کی۔ سیاسی حالات کی وجہ سے وہ ملازمت ترک کر دینے پر مجبور ہو گیا بلکہ نوے سال کی عمر میں اسے وطن کو بھی خیر باد کہنا پڑا۔ تاؤ تی چنگ چین کی سرحد عبور کراتے ہوئے سرحد کے محافظ نے اس سے لے لی تھی۔

سرحد عبور کرنے کے بعد وہ نامعلوم مقام پر چلا گیا اور اس کے بعد کے حالات کہ اس نے کہاں اور کس تاریخ کو وفات پائی کسی کو معلوم نہ ہو سکا۔