لالکائی

لالکائی پورا نام: ہبۃ اللہ بن حسن بن منصور طبری ہے، کنیت: ابو القاسم ہے، نسبت: رازی، آملی، طبری اور لالکائی مشہور ہے، فقہی مذہب: شافعی اور بعض کے مطابق حنبلی ہے۔

لالکائی
(عربی میں: أبو القاسم هبة الله بن الحسن اللالكائي‎)
معلومات شخصیت
مقام پیدائش	طبرستان
وفات	سنہ 1027ء
شہریت	دولت عباسیہ
عملی زندگی
نمایاں شاگرد	خطیب بغدادی ،  ابو بکر بیہقی
پیشہ	الٰہیات دان ،  فقیہ ،  محدث
پیشہ ورانہ زبان	عربی
شعبۂ عمل	فقہ ،  علم حدیث

اساتذہ

• عیسیٰ بن علی وزیر
• ابو طاہر مخلص
• جعفر بن عبد اللہ فناکی رازی
• ابو الحسن ابن الجندی
• علی بن محمد قصار
• علاء بن محمد رویانی
• ابو احمد فرضی
• ابو حامد اسفرایینی

تلامذہ

• ابو بکر خطیب
• محمد بن ہبۃ اللہ
• ابو بکر احمد بن علی طریثیثی
• مکی کرجی سلار

علما کی آرا

• ذہبی کہتے ہیں: «امام اور حافظ الحدیث تھے، اپنے زمانے میں بغداد کے مفتی تھے»
• خطیب کہتے ہیں: «بغداد آئے تو بغداد ہی کو اپنا وطن بنا لیا، شافعی فقہ کو علی اسفرایینی کے پاس پڑھا، صاحب فہم اور حافظ الحدیث تھے، سنن میں ایک کتاب تصنیف کی، اسی طرح صحیحین کے اسما پر بھی ایک کتاب لکھی ہے، سنت کی تشریح میں بھی ان کی ایک کتاب ہے»
• شجاع ذہلی کہتے ہیں: «بہت کم ایسی احادیث ہوں گی جو انھیں یاد نہ رہ گئی ہوں»
• خطیب کہتے ہیں: «جلد وفات ہو گئی اسی وجہ سے ان سے مروی بہت سی احادیث عام نہ ہو سکی»
• ذہبی کہتے ہیں: «ابو بکر طریثیثی نے ان سے اپنی کتاب روایت کی ہے۔ فرماتے ہیں کہ: ہبۃ اللہ طبری کی وفات دینور میں ہوئی، کسی کام کی وجہ سے وہاں گئے تھے پھر وہیں وفات پا گئے»
• علی بن حسین عکبری کہتے ہیں: «میں نے ہبۃ اللہ طبری کو خواب میں دیکھا، میں کہا: اللہ نے کیسا معاملہ کیا؟ فرمایا: مغفرت فرما دی، میں پوچھا کس وجہ سے؟ فرمایا: ایک چھوٹی سی بات حدیث و سنت کی وجہ سے،»

تصنیفات

• شرح اصول اعتقاد اہل السنت والجماعت (عربی زبان)

وفات

سنہ 418 ہجری میں وفات پائی، سیوطی کی کتاب "تاریخ الخلفاء" میں مذکور ہے کہ عباسی خلیفہ قادر باللہ کے زمانہ میں وفات پائی۔

حوالہ جات

1. تاریخ بغداد
2. سير الأعلام النبلاء